قىتاي باسشىسى بۇل تۋرالى قكپ ورتالىق كوميتەتى ساياسي بيۋروسىنىڭ جيىنىندا مالىمدەگەن. قىتايدىڭ 14-ءشى بەسجىلدىق جوسپارى ەكولوگيالىق تابيعاتتى قورعاۋدا ماڭىزعا يە. سي ءتسزينپيننىڭ ايتۋىنشا, وسى قادام ارقىلى لاستانۋدى ازايتۋ جانە كومىرتەگى شىعارىندىلارىن قىسقارتۋعا قول جەتكىزىلمەك.
ول ادامدار مەن تابيعاتتىڭ ۇيلەسىمدە ءومىر سۇرۋىنە قول جەتكىزۋ ءۇشىن ەكونوميكالىق جانە الەۋمەتتىك دامۋدى ستراتەگيالىق تۇرعىدا شەشۋگە جانە جوسپارلاۋعا شاقىردى.
جيىن بارىسىندا سي تسزينپين قىتايدىڭ سوتسياليستىك جاڭعىرتۋىنداعى باستى سيپاتتامالارىنىڭ ءبىرى ادام مەن تابيعاتتىڭ ۇيلەسىمدىلىگى ەكەنىن اتاپ ءوتتى. سونداي-اق ونەركاسىپتىك, ەنەرگەتيكالىق, كولىك جانە جەر پايدالانۋ قۇرىلىمدارىن تۇزەتۋدى جەدەلدەتۋگە شاقىردى.
«اۋماقتى جوسپارلاۋ مەن پايدالانۋدى باقىلاۋدى كۇشەيتۋ كەرەك, رەسۋرستاردى پايدالانۋ تيىمدىلىگى جان-جاقتى جاقسارۋى كەرەك. پارنيكتى گازدار شىعارىلىمىن ازايتۋ – الەم الدىنداعى مىندەتىمىز. سونداي-اق تەرەڭ ەكونوميكالىق جانە الەۋمەتتىك قايتا قۇرۋ وڭاي ەمەس», دەدى سي تسزينپين.
