ەۋروپانىڭ ەڭ ءىرى قورعانىس جوباسى – Future Combat Air System (FCAS) باستاماسى بويىنشا كەلىسىم ءساۋىر ايىنىڭ سوڭىندا اياقتالۋى ءتيىس ەدى. بىراق تاراپتار زياتكەرلىك مەنشىك قۇقىعىن پايدالانۋ جونىندە كەلىسىمگە كەلە العان جوق.
«زياتكەرلىك مەنشىك قۇقىعىن پايدالانۋعا قاتىستى ءالى كەلىسىمگە كەلمەدىك. گەرمانيا ءۇشىن بىرلەسىپ قارجىلاندىرىلاتىن زەرتتەۋلەردىڭ ناتيجەلەرىنە سۇيەنۋ وتە ماڭىزدى», دەدى گەرمانيا قورعانىس مينيسترلىگىنىڭ وكىلى.
رەاكتيۆتى ۇشاقتى جاساۋعا 100 ميلليارد ەۋرودان استام قارجى جۇمسالادى. Dassault Aviation (AVMD.PA), Airbus (AVMD.PA) جانە Indra (IDR.MC) كومپانيالارى بىرلەسىپ جۇمىس ىستەيتىن جوبا ارقىلى فرانتسيانىڭ Rafale مەن نەمىس جانە يسپان Eurofighters ۇشاقتارىن 2040 جىلعا دەيىن الماستىرۋ كوزدەلگەن.
گەرمانيا قورعانىس مينيسترلىگىنىڭ وكىلى جوبادا بارلىق قاتىسۋشىنىڭ مۇددەلەرىن قۇرمەتتەيتىن زياتكەرلىك مەنشىك قۇقىعىن رەاكتيۆتى ۇشاقتا پايدالانۋ ءۇشىن ءتيىستى كەلىسىم بولۋى كەرەك ەكەنىن ايتادى.
