«بارشا قازاقستاندىقتاردى ەلىمىزدىڭ تاتۋلىعى مەن تۇتاستىعىن بەينەلەيتىن «بىرلىك كۇنى» مەرەكەسىمەن قۇتتىقتايمىن. كوپۇلتتى حالىقتىڭ ىرىسى مەن ىنتىماقتاستىعى جانە بەيبىت ءومىرى-ءبىزدىڭ باستى بايلىعىمىز. سوندىقتان, وسىنداي ايتۋلى مەيرام ۇلتتار اراسىنداعى دوستىقتى ودان ءارى تەرەڭدەتە تۇسەدى», دەدى نۇرلان نىعماتۋللين.
سونداي-اق, ءماجىلىس توراعاسى تۇڭعىش پرەزيدەنتىمىز, ەلباسى نۇرسۇلتان نازارباەۆتىڭ تاۋەلسىزدىك العان جىلداردان باستاپ, ارقاشان حالىقتىڭ بەرەكە-بىرلىگىنە, قاۋىپسىزدىگىنە, تۇراقتىلىعىنا باسا نازار اۋدارىپ كەلە جاتقاندىعىن اتاپ ءوتتى.
سونىمەن قاتار, مەملەكەت باسشىسى قاسىم-جومارت توقاەۆتىڭ وسى باعىتتى ءارى قاراي جالعاستىرىپ كەلە جاتقانىن ايتىپ, بارشا قازاقستاندىقتارعا دەنساۋلىق پەن باق-بەرەكە تىلەدى.
