ەلوردالىق مەكتەپتەردىڭ سايتتارىندا 30 ساۋىردە «قازاقستان – دوستىق مەكەنى!» اشىق ساباعىن كورۋگە بولادى.
م.وتەمىسوۆ اتىنداعى وقۋشىلار سارايىندا 30 ءساۋىر كۇنى «بىرلىك پەن بەيبىتشىلىك رامىزدەرى» ونلاين-تەيبل-talk وتەدى. سونىمەن قاتار, ساراي ۇجىمى مەن شەشەن-ينگۋش ەتنولينگۆيستيكالىق-مادەني ورتالىعى «دوستىق سالەمدەمە!» چەللەندجىن باستايدى.
نۇر-سۇلتان قالاسى اكىمدىگىنىڭ جانىنداعى «قوعامدىق كەلىسىم» كمم-ءنىڭ الەۋمەتتىك جەلىلەردەگى رەسمي پاراقشالارىندا وسى كۇندەرى ەلوردا قحا ەمب باسشىلارىنىڭ, وكىلدەرىنىڭ بەينە قۇتتىقتاۋلارى جاريالاناتىن بولادى.
مەرەكەگە وراي قالانىڭ مادەنيەت مەكەمەلەرى كوپتەگەن ءىس-شارالار دايىندادى.
NOMAD City Hall ساحناسىندا 1 مامىردا «بىرلىگىمىز جاراسقان, قازاقستان» مەرەكەلىك كونتسەرتى وتەدى.
م. گوركي اتىنداعى مەملەكەتتىك اكادەميالىق ورىس دراما تەاترىنىڭ كىشى ساحناسىندا 1 مامىر كۇنى ساعات 18.00-دە ك.ليۋدۆيگتىڭ «پريمادوننى» كومەدياسى وتەدى. ال كەلەسى كۇنى اتالمىش تەاتر كورەرمەندەردى ۆ.شۋكشيننىڭ «سۆەتلىە دۋمى» اڭگىمەسى بويىنشا ساحنالىق قويىلىمىمەن قۋانتادى.
1 جانە 2 مامىر كۇندەرى قۋىرشاق تەاترىندا س.ءجۇنىسوۆتىڭ «اتامەكەن» دراماسى كورسەتىلەدى. سپەكتاكلدەر ساعات 12.00, 14.00 جانە 16.00 ۋاقىتىندا باستالادى.
نۇر-سۇلتان قالاسى اكىمدىگىنىڭ ورتالىقتاندىرىلعان كىتاپحانالار جۇيەسى دە مەرەكەدەن شەت قالمايدى. بىرلىك كۇنى № 5 كوپشىلىك كىتاپحاناسى ء«جۇز ەتنوس – ءبىر حالىق» بالالار سۋرەتتەرى مەن شىعارماشىلىق جۇمىستارىنىڭ ونلاين كورمەسىن وتكىزەدى. ال № 12 كوپشىلىك كىتاپحاناسى الەۋمەتتىك جەلىلەردە «بىرلىگىمەن, دوستىعىمەن جانە ەڭبەگىمەن ەل مىقتى» ەتنوگرافيالىق ونلاين سيۋجەتىن ۇسىنادى.
كورەرمەندەر 1 مامىر كۇنى ساعات 14.30-دا «حابار» تەلەارناسىنان «ىنتىماق مەكەنى» مەرەكەلىك كونتسەرتىن تاماشالاي الادى. ءدال وسى ۋاقىتتا «استانا» كونتسەرت زالىنىڭ ساحناسىندا قالا تۇرعىندارىنا ارناپ «ىنتىماق ءۇيى» ونلاين مۋزىكالىق شاراسى ۇيىمداستىرىلادى.
دوستىق ءۇيىنىڭ Facebook جانە Instagram جەلىلەرىندەگى اككاۋنتتارىندا «ANK Live» ستۋدياسىنىڭ تىكەلەي ەفيرىن ۇيىمداستىرۋ جوسپارلانىپ وتىر.
«الجير» ساياسي قۋعىن-سۇرگىن جانە توتاليتاريزم قۇرباندارىنىڭ مەموريالدى-مۇراجاي كەشەنىنىڭ رەسمي اككاۋنتتارىندا مەرەكەگە وراي «ۇلت بىرلىگى – ۇلى بايلىق» كورمەسى وتەدى. مۇندا 3 مامىردا «تاتۋلىق – دوستىقتىڭ كيەلى بەسىگى» اتتى ءدارىس ۇسىنىلادى.
استانالىق تسيرك ءوز كەزەگىندە ء«بىز بىرگەمىز» ونلاين-ءىس-شاراسىن وتكىزەدى.
بەيبىتشىلىك جانە كەلىسىم سارايى 1 مامىرعا ارناپ اتريۋم زالىندا «قازاقستان حالقى اسسامبلەياسى – بىرلىك پەن كەلىسىمنىڭ سيمۆولى» تاقىرىپتىق ونلاين-ەكسكۋرسياسىن دايىنداپ وتىر.
3 مامىردا ساكەن سەيفۋللين مۋزەيىندە «ەل تىرەگى – تاتۋلىق» ونلاين فوتو-كورمەسى وتەدى.
ايتا كەتەيىك, ەلورداداعى ءىس-شارالاردىڭ ءبارى سانيتارلىق تالاپتاردى تولىقتاي ساقتاي وتىرىپ وتەدى.
