قوعام • 30 ءساۋىر، 2021

پرەزيدەنت يمانبەك زەيكەنوۆتىڭ جەتىستىگىن اتاپ ءوتتى

32 رەت كورسەتىلدى

يمانبەك زەيكەنوۆتىڭ جەتىستىگى قازاقستان ءۇشىن عانا ەمەس، تمد ءۇشىن دە تەڭدەسىز. بۇل تۋرالى پرەزيدەنت «قازاقستاننىڭ 100 جاڭا ەسىمى» جوباسىنىڭ جەڭىمپازدارىمەن كەزدەسۋ كەزىندە ايتتى، دەپ حابارلايدى Egemen.kz.

«وسى ۋاقىتقا دەيىن «قازاقستاننىڭ 100 جاڭا ەسىمى» جوباسىنا 7،5 مىڭ ادام قاتىسىپ، ەلىمىز تالاي تالانتتى، تالاپتى قازاقستاندىقتاردىڭ اتىن تانىدى. وسى جوبانىڭ ارقاسىندا ءوزىنىڭ ەرەكشە ەمدەۋ تاسىلىمەن كوپتەگەن ادامعا پەرزەنت ءسۇيۋ باقىتىن سىيلاعان دارىگەر-رەپرودۋكتولوگ ايدوس يبراگيموۆتى بۇكىل ەلىمىز تانىدى»، دەدى پرەزيدەنت.

سونداي-اق ول جاقىندا عانا «Grammy» سىيلىعىن جەڭىپ العان يمانبەك زەيكەنوۆتىڭ جەتىستىگىن اتاپ ءوتتى.

«جوبانىڭ 2019 جىلعى قاتىسۋشىسى يمانبەك زەيكەنوۆ جاقىندا عانا «Grammy» سىيلىعىن جەڭىپ الىپ، ونىڭ اتى بۇكىل الەمگە جايىلدى. ونىڭ جەتىستىگى تەك قازاقستان ءۇشىن عانا ەمەس، تمد ءۇشىن دە تەڭدەسىز. جوبانىڭ ءتورتىنشى ماۋسىم جەڭىمپازدارىنىڭ جەتىستىكتەرى دە ەشكىمدى بەي-جاي قالدىرمايدى»، دەدى مەملەكەت باسشىسى.

سوڭعى جاڭالىقتار

شىمكەنتتە قوناەۆ داڭعىلى اشىلدى

ايماقتار • بۇگىن، 17:58

الماتى ماڭىندا جەر سىلكىندى

ايماقتار • بۇگىن، 16:42

دوللار ارزاندادى

ەكونوميكا • بۇگىن، 14:08

ۇقساس جاڭالىقتار