ورتالىق كوپبالالى وتباسىلارعا زاڭگەرلىك, پسيحولوگيالىق جانە الەۋمەتتىك كومەك كورسەتەدى. سونداي-اق, دەنساۋلىق ساقتاۋ, ءبىلىم بەرۋ, جۇمىسقا ورنالاستىرۋ, كاسىپكەرلىك, تۇرعىن ءۇي باعدارلامالارىن ىسكە اسىرۋ ماسەلەلەرى بويىنشا تەگىن كونسۋلتاتسيالىق قىزمەت كورسەتەدى. اتاپ ايتقاندا, ورتالىقتا كاسىپكەرلىك باستامالاردى قولدايدى, بيزنەس-جوسپارلاردى ازىرلەۋ مەن سۇيەمەلدەۋگە قولداۋ كورسەتەدى, سونىمەن قاتار ءوز ءوندىرىسىنىڭ تاۋارلارىن ساتۋ جانە ءىت سالاسىنداعى ماركەتولوگيانى ۇيرەتەدى.
«جۇمىسقا 10 كوپبالالى انا جالدايمىز, ولاردىڭ اراسىندا زاڭگەرلەر, پسيحولوگتار, الەۋمەتتانۋشىلار مەن كونسۋلتانتتار بار. ءبىزدىڭ ورتالىق تەگىن كەڭەستەر بەرىپ, مەملەكەتتىك باعدارلامالاردى ءتۇسىندىرىپ, قايىرىمدىلىق قولداۋ كورسەتەدى. بۇل مەملەكەتتىك باعدارلاما ارقىلى جۇزەگە اسىرىلاتىن ءۇش جىلدىق جوبا. قاراعاندىدا 7 مىڭنان استام كوپبالالى وتباسى بار, «التىن القا» جانە «كۇمىس القا» يەگەرلەرى ساناتىندا 2 مىڭنان استام انا بار. ءبىز تەك كەڭەس بەرىپ قانا قويماي, ماسەلەنىڭ تۇپكىلىكتى سەبەبىن تالدايمىز, زاڭنامانى جەتىلدىرۋ بويىنشا زاڭ جوباسىن ازىرلەيمىز جانە ولاردى ۇكىمەتكە ۇسىناتىن بولامىز», دەدى كوپبالالى وتباسىلاردى قولداۋ ورتالىعىنىڭ ديرەكتورى ءلاززات قوجاحمەتوۆا.
سونداي-اق ونىڭ ايتۋىنشا كوپبالالى وتباسىلارعا قيىن ومىرلىك جاعدايدان شىعۋ ءۇشىن ماتيالدىق تا, مورالدىق تا كومەك كورسەتىلەدى.
انالار كەڭەس الىپ جاتقاندا, بالالاردى ارنايى ويىن بولمەسىنە قالدىرۋعا بولادى.
