قازاقستان رەسپۋبليكاسىنىڭ اكىمشىلىك قۇقىق بۇزۋشىلىقتار تۋرالى كودەكسىنە ەنگىزىلگەن وزگەرتۋلەرگە سايكەس بۇرىن سىبايلاس جەمقورلىق قىلمىس جاساعان ادامداردى جۇمىسقا قابىلداعانى ءۇشىن مەملەكەتتىك ورگاننىڭ نەمەسە ۇلتتىق كومپانيانىڭ باسشىسى اكىمشىلىك جاۋاپكەرشىلىككە تارتىلۋى مۇمكىن. بۇل تۋرالى شقو سىبايلاس جەمقورلىققا قارسى قىزمەتىنىڭ باسشىسى ەرلان جالماعامبەت اتالعان وزگەرتۋلەردى بايانداۋ بارىسىندا ايتتى.
اتاپ ايتقاندا,بۇرىن سىبايلاس جەمقورلىق قىلمىس جاساعان ادامداردى جۇمىسقا قابىلداعانى ءۇشىن مەملەكەتتىك ورگاننىڭ نەمەسە ۇلتتىق كومپانيانىڭ باسشىسى ءوز قالتاسىنان 100 اەك كولەمىندە ايىپپۇل تولەيدى.
«بۇل جەردە ماڭىزدى ماسەلە – سىبايلاس جەمقورلىق قىلمىس جاساعان ادامداردى جۇمىسقا ورنالاستىرۋعا تىيىم سالۋ تۋرالى تالاپ بۇعان دەيىن تەك مەملەكەتتىك قىزمەت پەن كۆازيمەملەكەتتىك سەكتوردىڭ باسشى لاۋازىمدارىنا قاتىستى بولعانىن اتاپ وتكىم كەلەدى. ەندى بيىل جىل باسىنان باستاپ كۇشىنە ەنگەن ەڭبەك كودەكسىندەگى تۇزەتۋلەرگە سايكەس سىبايلاس جەمقورلىق ءۇشىن سوتتالعان ادامداردى كەز كەلگەن كۆازيمەملەكەتتىك سەكتور لاۋازىمىنا قابىلداۋعا تولىق تىيىم سالىندى», دەدى شقو سىبايلاس جەمقورلىققا قارسى قىزمەت باسشىسى ەرلان جالماعامبەت.
