دەپۋتاتتار «ارمەنيا رەسپۋبليكاسىنىڭ 2014 جىلعى 29 مامىردا 2014 جىلعى 10 قازانداعى ەۋرازيالىق ەكونوميكالىق وداق تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» جانە «قىرعىز رەسپۋبليكاسىنىڭ 2014 جىلعى 29 مامىرداعى ەۋرازيالىق ەكونوميكالىق وداققا ەنۋى تۋرالى كەلىسىمىنە ەۋرازيالىق ەكونوميكالىق وداق زاڭناماسىنا ەنگىزىلگەن جەكەلەگەن حالىقارالىق شارتتاردى قولدانۋدىڭ شارتتارى مەن وتپەلى ەرەجەلەرى تۋرالى حاتتامانى راتيفيكاتسيالاۋ,ەۋرازيالىق ەكونوميكالىق وداق ورگاندارىنىڭ قىرعىز رەسپۋبليكاسىنىڭ 2015 جىلعى 8 مامىرداعى 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قوسىلۋىنا بايلانىستى اكتىلەرى» زاڭ جوبالارىن قارادى.
وسى زاڭ جوبالارى ارمەنيا مەن قىرعىزستانداعى كەدەندىك باجداردىڭ ەاەو بىرىڭعاي كەدەندىك ءتاريفىنىڭ ستاۆكالارىنا ساي بىرتىندەپ ينتەگراتسيالانۋىنا باعىتتالعان.
وسىعان بايلانىستى, اسا سەزىمتال تاۋارلارعا قاتىستى ەاەو تاريفتەرى تولىق ۇيلەسۋى ءۇشىن ەكى مەملەكەتتىڭ وتپەلى كەزەڭى 1 جىلعا ۇزارتىلادى. زاڭ جوبالارى ەكى ەلدىڭ ەاەو اياسىنداعى ساۋدا-ەكونوميكالىق قاتىناستارىن جاقسارتادى.
