قازاقستاننىڭ تۇڭعىش پرەزيدەنتى-ەلباسى, قحا توراعاسى ن.ءا.نازارباەۆ قازاقستان حالقى اسسامبلەياسىنىڭ XXIX سەسسياسى بارىسىندا ءتىل ماسەلەسىنە توقتالدى.
ء«تىل – بارلىعىمىزدى بىرىكتىرەدى. بۇل الەمنىڭ بارلىق ەلدەرىندەگى شىنايى پروتسەسس. بىزدە دە سولاي. بۇگىندە ەلىمىزدە قازاق ەتنوسى 70%-دى قۇرايدى. قازاق ءتىلىن بىلۋگە, تۇسىنۋگە دەگەن ۇمتىلىس وتە جاقسى. ءبىز ءتىل ۇيرەنەمىن دەگەندەرگە كەز كەلگەن جەردە قولداۋ كورسەتۋىمىز كەرەك. اسسامبلەيا بۇل جەردە ماڭىزدى ءرول اتقارادى. ءاربىر وبلىستاعى ءار عيمارات, ءار مەكەمەدە بۇل پروتسەسس ءجۇرىپ تە جاتىر», دەدى ول.
ەلباسى بىرقاتار جاستىڭ اسسامبلەيانىڭ ارقاسىندا ومىرگە جاڭا جولداما العانىن ايتتى. نۇرسۇلتان نازارباەۆ ولاردىڭ مەملەكەتتىك ءتىلدى ۇيرەنۋىنە ءدال وسى اسسامبلەيا سەبەپ بولعانىن جەتكىزدى.
«ماكسيم سپوتكاي, يرينا تەن, ماكسيم روجين, ناتاليا دەمەنتەۆا... قازىر ولاردىڭ بارلىعىن ءتىزىپ شىعۋ مۇمكىن ەمەس, بۇل ازاماتتاردىڭ بارلىعى بۇگىندە جاۋاپتى قىزمەت اتقارىپ كەلەدى. وسى ازاماتتاردىڭ الەۋمەتتىك جەلىلەرىندەگى جەكە پاراقشالارىنا كىرسەڭىز دە, قازاق حالقىنىڭ ولاردى قالاي جاقسى كورەتىنىن بايقايسىزدار», دەدى ەلباسى.
