مەديتسينا • 27 ءساۋىر، 2021

وتاندىق QazVac ۆاكتسيناسىن ەگۋ باستالدى

49 رەت كورسەتىلدى

ەلىمىزدە 26 ساۋىردەن باستاپ رەسمي تۇردە وتاندىق QazCovid-in (QazVac) ۆاكتسيناسىن حالىققا ەگۋ باستالدى. وسىلايشا، قازاقستان الەمدە سovid-19 ىندەتىنە قارسى ءوز ۆاكتسيناسىن ازىرلەپ، وندىرىسكە شىعارعان ساۋساقپەن سانارلىق ەلدەردىڭ ساناتىنا قوسىلدى.

كوللاجداردى جاساعان زاۋرەش سماعۇل، «ەQ»

كەشە دەنساۋلىق ساقتاۋ ءمينيسترى الەكسەي تسوي نۇر-سۇلتان قالاسىنداعى №9 ەمحانادا العاشقىلاردىڭ ءبىرى بولىپ QazVac ۆاكتسيناسىن سالدىردى. ول قازاقستاندىق ۆاكتسينانىڭ العاشقى پارتياسى بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى بازاسىندا 50 مىڭ دوزا كولەمىندە وندىرىلگەنىن جانە وڭىرلەر بويىنشا تاراتىلىپ جاتقانىن حابارلادى.

ء«بىز الەمدە ۆاكتسينا ءوندىرىسىن ىسكە قوسقان ون ەلدىڭ جانە ۆاكتسينانى شىعارۋدىڭ تولىق تسيكلىن – ازىرلەۋدەن باستاپ قولدانۋعا دەيىن يگەرگەن بەس ەلدىڭ قاتارىنا كىرەمىز. بۇل – ۇلكەن جەتىستىك. قاراعاندىلىق فارماتسەۆتيكا زاۋىتى ۆاكتسينالاردىڭ نەگىزگى پارتيالارىن قوسىمشا وندىرەدى، نارىقتى تولتىرادى، بۇل ازاماتتاردىڭ زاماناۋي پرەپاراتتارعا قول جەتكىزۋىنە مۇمكىندىك بەرەدى»، دەدى ا.تسوي.

مەملەكەت باسشىسىنىڭ تاپسىرماسىنا سايكەس QazCovid-in ۆاكتسيناسىن ءبىلىم جانە عىلىم مينيسترلىگى عىلىم كوميتەتىنىڭ بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتى ازىرلەگەن. Qaz-Covid-In – ءولى ۆيرۋستان جاسالعان ۆاكتسينا. بۇل بۇلشىقەت ىشىنە 0،5 مل/دوزاسى ەنگىزىلەدى. قۇرامىندا SARS-CoV-2 تازارتىلعان يناكتيۆيرلەنگەن تۇتاس ۆيريوندى شتامى بار. QazCovid-ءىn «قازاقستان، كوۆيد، يناكتيۆاتسيالانعان» دەگەندى بىلدىرەدى. بۇل حيميالىق رەاگەنتپەن «ولتىرىلگەن» 2019-Ncov ۆيرۋسىنا نەگىزدەلىپ جاسالعان. ۆاكتسينادان كەيىنگى اسقىنۋلار جەڭىل وتەدى ءارى دەنە قىزۋى جوعارىلامايدى. سونداي-اق سپۋتنيك V ۆاكتسيناسى سياقتى ەكى كومپونەنتتى جانە 21 كۇندىك ينتەرۆالمەن سالىنادى. وتاندىق ۆاكتسينانىڭ ءبىر ارتىقشىلىعى – ساقتاۋ شارتتارى. ەگەر سپۋتنيك V ۆاكتسيناسى توڭازىتقىشتا 18 گرادۋس تەمپەراتۋرادا ساقتالسا، QazVac ۆاكتسيناسى 2-8 گرادۋس تەمپەراتۋرادا ساقتالادى. بۇل پرەپاراتتى وندىرۋشىدەن تۇتىنۋشىلارعا جەتكىزۋ لوگيستيكاسىن جەڭىلدەتەدى.

كلينيكالىق زەرتتەۋلەردىڭ ءبىرىنشى كەزەڭىنە 18-65 جاس ارالىعىنداعى 44 ەرىكتى، ەكىنشى كەزەڭگە 200 ادام، ءۇشىنشى كەزەڭگە 3 مىڭ ادام قاتىستى. قازاقستان دۇنيەجۇزىلىك دەنساۋلىق ساقتاۋ ۇيىمىنىڭ رەەسترىنە ءوزىنىڭ كوۆيدكە قارسى ۆاكتسيناسىن تىركەدى.

QazVac ۆاكتسيناسىن كلينيكالىق زەرتتەۋدىڭ I-II فازاسىنىڭ ناتيجەلەرى بويىنشا ەسەپتەر جانە III فازاسىنىڭ ارالىق ەسەبى ونىڭ قاۋىپسىزدىگىن راستايدى. ۇسىنىلعان ەسەپتەر نەگىزىندە، ۇكىمەتتىڭ 2020 جىلعى 15 جەلتوقسانداعى № 850 قاۋلىسىمەن بەكىتىلگەن COVID-19-عا قارسى ۆاكتسينالاردى ۋاقىتشا مەملەكەتتىك تىركەۋ قاعيدالارىنا سايكەس ۆاكتسينا مەديتسينالىق قولدانۋعا جىبەرىلەدى. QazVac ۋاقىتشا تىركەۋ كۋالىگى 2020 جىلدىڭ 31 جەلتوقسانىندا بەرىلگەن. قازاقستاندىق ۆاكتسينانى سىناۋدىڭ ءۇشىنشى كەزەڭى حاتتامادا كوزدەلگەن زەرتتەۋ سۋبەكتىلەرىنىڭ 50% بەلگىسىنەن ءوتتى جانە ونى وسى جىلدىڭ 25 ماۋسىمىندا اياقتاۋ جوسپارلانىپ وتىر. وسىدان كەيىن QAZVAC تيىمدىلىگىن تولىق باعالاۋ جۇرگىزىلەدى.

ۆاكتسينالاردىڭ كلينيكالىق زەرت­تەۋ­لەرى، سونىڭ ىشىندە III فازادا، بۇكىل الەمدە جالعاسۋدا. سونىمەن رەسەي سپۋتنيك V زەرتتەۋلەرىن 2021 جىل­دىڭ مامىر ايىنىڭ باسىندا اياقتاۋ­دى جوسپارلاپ وتىر، ال الەمدەگى كوپتە­گەن فارماتسەۆتيكالىق كومپانيا ءوز زەرت­تەۋلەرىن 2022-2023 جىلدارى اياقتايدى.

قالىپتاسقان ەپيدەميالىق جاعدايعا بايلانىستى كوروناۆيرۋس ينفەكتسياسىنا قارسى ۆاكتسينالاردى مەديتسينالىق قولدانۋعا جەدەل جىبەرۋ تۋرالى شەشىمدەر الەمنىڭ كوپتەگەن رەتتەۋشى ورگاندارىندا قابىلدانادى. بۇل رەتتە ۆاكتسينالاردى قولدانۋعا رۇقسات ەتۋدىڭ قىسقا مەرزىمىنە قاراماستان، ولاردىڭ ساپاسى مەن قاۋىپسىزدىگىن تەكسەرۋ مۇقيات جانە بارلىق تالاپتى ساقتاي وتىرىپ جۇرگىزىلەدى.

بۇگىندە QazVac ۆاكتسيناسىنىڭ 50 مىڭ دوزاسى وڭىرلەرگە تاراتىلدى: 6 مىڭ دوزادان نۇر-سۇلتان مەن الماتى، 4 مىڭ دوزادان شىمكەنت، قاراعاندى، شىعىس قازاقستان جانە الماتى وبلىس­تارى، 2 مىڭ دوزادان قالعان وڭىرلەر الدى. مامىر ايىندا تاعى 50 مىڭ دوزا شىعارىلادى دەپ كۇتىلۋدە. بولاشاقتا پرەپارات ءوندىرىسى كەزەڭ-كەزەڭمەن ايىنا 500 مىڭ دوزاعا دەيىن ارتادى.

 

سوڭعى جاڭالىقتار

Atmaca زىمىرانى سىناقتان ءساتتى ءوتتى

تەحنولوگيا • بۇگىن، 18:35

دوللار قايتادان قىمباتتادى

قارجى • بۇگىن، 15:00

ۇقساس جاڭالىقتار