تاراپتار تەمىرجول كولىگى جانە لوگيستيكا سالاسىنداعى ىنتىماقتاستىقتى ەكىجاقتى فورماتتا دا, ەۋرازيالىق ەكونوميكالىق وداق شەڭبەرىندە دە نىعايتۋ ماسەلەلەرىن تالقىلادى.
«بىرلەسكەن كولىكتىك-لوگيستيكالىق كومپانيا – ەۋرازيالىق تەمىرجول اليانسى» اق («بكلك ەرا») ودان ءارى دامىتۋ پەرسپەكتيۆالارى قارالدى. اتالعان ينتەگراتسيالىق جوبا قازاقستان, رەسەي جانە بەلارۋس اۋماعى ارقىلى «قىتاي – ەۋروپا» باعىتى بويىنشا تۇراقتى پويىزدار قۇرامىندا ترانزيتتىك كونتەينەرلىك تاسىمالداۋ قىزمەتتەرىن قامتاماسىز ەتۋگە باعىتتالعان.
«قازاقستان ءوزىنىڭ كولىكتىك-لوگيستيكالىق الەۋەتىن ارتتىرۋعا ەرەكشە كوڭىل بولەدى. تەمىر جولداردى ودان ءارى دامىتۋ, ايماقتاعى ساۋدا مەن ترانزيت كولەمدەرىن ارتتىرۋ – ءبىز ءۇشىن وتە ماڭىزدى جانە باسىم مىندەتتەر», دەدى ا. مامين.
2020 جىلى پاندەمياعا قاراماستان, «قىتاي – ەۋروپا» باعىتى بويىنشا قازاقستان اۋماعى ارقىلى ترانزيتپەن جۇكتەردى كونتەينەرلەرمەن تاسىمالداۋ كولەمى 517,5 مىڭ جفە قۇرادى, بۇل 2019 جىلعى كورسەتكىشتەن 65%-عا ارتىق.
قازاقستان مەن رەسەي اراسىنداعى جۇك تاسىمالداۋ كولەمى 2020 جىلى 85,6 ملن توننادان استى. وسى جىلدىڭ I توقسانىندا ەكى ەل اراسىنداعى كونتەينەرلىك تاسىمالدار 2020 جىلدىڭ سايكەس كەزەڭىمەن سالىستىرعاندا 57%-عا ءوستى.
كەزدەسۋگە قر پرەمەر-ءمينيسترىنىڭ ورىنباسارى رومان سكليار مەن «قازاقستان تەمىر جولى» ۇك» اق باسقارما توراعاسى نۇرلان ساۋرانباەۆ قاتىستى.
