اۋدان اكتيۆىنىڭ وتىرىسىندا ايماق باسشىسى بۇعان دەيىن بايزاق اۋدانىن باسقارىپ كەلگەن نۇرجان نۇرجىگىتوۆكە اتقارعان قىزمەتى ءۇشىن العىسىن ءبىلدىردى. ال باقىت قازانباسوۆقا اۋداننىڭ الەۋمەتتىك-ەكونوميكالىق دامۋى, زاڭدىلىق پەن ءتارتىپتى نىعايتۋ بويىنشا بىرقاتار مىندەتتەر جۇكتەدى.
- باقىت قازانباسوۆ – تاجىريبەلى باسشى. سىزدەر ونى قولداپ, اۋدان يگىلىگى ءۇشىن بىرلەسە جۇمىس ىستەيتىندەرىڭىزگە سەنەمىن, - دەدى بەردىبەك ساپارباەۆ.
قازانباسوۆ باقىت الپىسباي ۇلى 1961 جىلى تۋعان, ءبىلىمى جوعارى.
1996 جىلى جامبىل جەڭىل جانە تاماق ونەركاسىبى تەحنولوگيالىق ينستيتۋتىن «ينجەنەر-تەحنولوگ», 2005 جىلى م.ح.دۋلاتي اتىنداعى تاراز مەملەكەتتىك ۋنيۆەرسيتەتىن «قارجى» ماماندىقتارى بويىنشا بىتىرگەن.
ەڭبەك جولىن 1983 جىلى №2 جامبىل استىق ونىمدەرى كومبيناتىندا جۇمىسشى بولىپ باستاعان.
ءار جىلدارى №2 جامبىل استىق ونىمدەرى كومبيناتىندا اعا شەبەر, بولىمشە مەڭگەرۋشىسى, «اق بيداي» ااق مەڭگەرۋشىسى, ديرەكتورى, «زار-زامين» جشس قوسالقى شارۋاشىلىق مەڭگەرۋشىسى, جامبىل اۋدانى اسا اۋىلدىق وكرۋگىنىڭ اكىمى, جامبىل اۋدانى اكىمدىگىنىڭ تۇرعىن-ءۇي كوممۋنالدىق شارۋاشىلىق, جولاۋشىلار كولىگى جانە اۆتوموبيل جولدارى ءبولىمىنىڭ باستىعى, جامبىل اۋدانى اكىمىنىڭ ورىنباسارى, جامبىل اۋدانىنىڭ اكىمى قىزمەتتەرىن اتقارعان.
2019 جىلدىڭ قاراشاسىنان باستاپ بۇگىنگى كۇنگە دەيىن تالاس اۋدانىنىڭ اكىمى لاۋازىمىندا قىزمەت اتقارىپ كەلدى.
