اۋدان اكتيۆىنىڭ وتىرىسىندا ايماق باسشىسى بۇعان دەيىن تالاس اۋدانىن باسقارىپ كەلگەن باقىت قازانباسوۆقا اتقارعان قىزمەتى ءۇشىن العىسىن ءبىلدىردى. ال قاناتبەك مادىبەككە اۋداننىڭ الەۋمەتتىك-ەكونوميكالىق دامۋى, زاڭدىلىق پەن ءتارتىپتى نىعايتۋ بويىنشا بىرقاتار مىندەتتەر جۇكتەدى.
- باقىت قازانباسوۆ تالاس اۋدانىنىڭ دامۋى جولىندا كوپ تەر توكتى دەسەك, وعان سول ءۇشىن العىس ايتقىم كەلەدى. قاناتبەك مادىبەك – تاجىريبەلى باسشى. سىزدەر ونى قولداپ, اۋدان يگىلىگى ءۇشىن بىرلەسە جۇمىس جاسايتىندارىڭىزعا مەن سەنەمىن, - دەدى بەردىبەك ساپارباەۆ.
رەتى كەلگەندە باقىت قازانباسوۆ اۋداننىڭ دامۋى جولىندا ايانباعانىن جەتكىزىپ, جاڭا اكىمگە ساتتىلىك تىلەدى. ال, قاناتبەك مادىبەك بۇل تاعايىنداۋدىڭ وزىنە ۇلكەن جاۋاپكەرشىلىك جۇكتەيتىنىن تىلگە تيەك ەتتى.
مادىبەك قاناتبەك قايشىبەك ۇلى 1977 جىلى تۋعان, ءبىلىمى جوعارى.
1998 جىلى قازاق مەملەكەتتىك اگرارلىق ۋنيۆەرسيتەتىن «اۋىل شارۋاشىلىعىن مەحانيكالاندىرۋ» ماماندىعى بويىنشا بىتىرگەن.
ەڭبەك جولىن 1998 جىلى جاڭاتاس قالاسىنداعى «ۆودوكانال» كاسىپورنىندا ينجەنەر بولىپ باستاعان.
ءار جىلدارى سارىسۋ اۋدانى اكىمى اپپاراتىندا كەڭەسشى, باس مامان, ءبولىم مەڭگەرۋشىسى, سارىسۋ اۋدانى جاڭاارىق اۋىلدىق وكرۋگىنىڭ اكىمى, جامبىل وبلىسى اكىمى اپپاراتىندا باس ينسپەكتور, ءبولىم مەڭگەرۋشىسى, جامبىل وبلىسى اكىمى اپپاراتى باسشىسىنىڭ ورىنباسارى, سارىسۋ اۋدانىنىڭ اكىمى, جامبىل وبلىسى اكىمدىگىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسى باسشىسىنىڭ ورىنباسارى, قازاقستان رەسپۋبليكاسى ەنەرگەتيكا مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ جامبىل وبلىسى بويىنشا ەكولوگيا دەپارتامەنتىنىڭ باسشىسى سەكىلدى قىزمەت اتقارعان.
2020 جىلعى تامىزدان باستاپ جامبىل وبلىسى اكىمى اپپاراتىنىڭ باسشىسى لاۋازىمىندا جۇمىس ىستەپ كەلدى.
