ونلاين-وتىرىسقا ساقتاندىرۋ مارتەبەسىن, اسىرەسە كاسىپكەرلىك سۋبەكتىلەرى قىزمەتكەرلەرىن وزەكتەندىرۋ ماسەلەلەرى قارالدى. مەديتسينالىق ساقتاندىرۋ قورىنىڭ الماتى قالاسى بويىنشا فيليالىنىڭ ديرەكتورى تىلەۋحان ابىلداەۆتىڭ ايتۋىنشا, جۇرگىزىلگەن جۇمىستار اياسىندا ساقتاندىرىلماعانداردىڭ سانى 402 مىڭ ادامدى قۇرادى, ولاردىڭ 35,5% بىرىڭعاي جيناقتاۋشى تولەمدى (بجت) تولەۋشىلەر;
25% – وتكەن جىلدان باستاپ ەشقانداي تولەم جاساماعان تۇلعالار. ساقتاندىرىلماعانداردىڭ اراسىندا 2020 جىلدىڭ سوڭىنا دەيىن جارنالار مەن اۋدارىمداردى تولەۋدەن بوساتىلعان شاعىن جانە ورتا بيزنەس سۋبەكتىلەرىنىڭ قىزمەتكەرلەرى بولۋى مۇمكىن.
وسى زاڭدى تۇلعالار ءوز قىزمەتكەرلەرىن ساقتاندىرۋ ءۇشىن جارنالاردىڭ بولماۋىنا قاراماستان, وسى قىزمەتكەرلەردىڭ دەرەكتەرىن وسى جىلدىڭ 3-توقسانىنىڭ سوڭىنا دەيىن msb.fms.kz سايتىنا ەنگىزۋى قاجەت.
شتاب توراعاسى ەرجان باباقۇماروۆ العاشقى مەديتسينالىق-سانيتارلىق كومەك ۇيىمدارى دەڭگەيىندە ءتۇسىندىرۋ جۇمىستارىن كۇشەيتۋدى تاپسىردى.
ساقتاندىرىلماعانداردىڭ باسىم بولىگى شاعىن جانە ورتا بيزەس سەكتورىنا تيەسىلى بولعاندىقتان, الماتى قالاسىنىڭ كاسىپكەرلىك جانە ينۆەستيتسيالار باسقارماسى «اتامەكەن» كاسىپكەرلەر پالاتاسىمەن, ىسكەرلىك جانە وڭىرلىك كەڭەستەرمەن بىرلەسىپ, شاعىن جانە ورتا بيزنەستىڭ ەرەكشەلىگىنە نازار اۋدارا وتىرىپ, جۇمىس تاسىلدەرىن وزگەرتۋ قاجەت. ەرجان باباقۇماروۆ ءمامس جۇيەسى ءبىرىنشى كەزەكتە ساپالى جانە تولىققاندى مەديتسينالىق كومەك كورسەتۋدى قامتاماسىز ەتەتىندىكتەن, حالىقتى بارىنشا قامتۋ جونىندەگى جۇمىستىڭ ماڭىزدىلىعىن اتاپ ءوتتى.
الەۋمەتتىك مەديتسينالىق ساقتاندىرۋ پاكەتى شەڭبەرىندە قالا تۇرعىندارى مەديتسينالىق قىزمەتتەردىڭ كەڭەيتىلگەن سپەكترىنە, ونىڭ ىشىندە تەگىن مەديتسينالىق كومەكتىڭ كەپىلدىك بەرىلگەن كولەمىنىڭ پاكەتىنە كىرمەيتىن قىمبات راسىمدەرگە قولجەتكىزە الادى.
