ايماقتار • 23 ءساۋىر، 2021

تۇركىستان وبلىسىندا بەتون شىعاراتىن زاۋىتتىڭ ىرگەتاسى قالاندى

43 رەت كورسەتىلدى

ورداباسى اۋدانىنداعى «بادام» يندۋستريالدى ايماعىندا اۆتوكلاۆتالعان، سيليكاتتى ۇيالى بەتون شىعاراتىن زاۋىتتىڭ ىرگەتاسى قالاندى، دەپ حابارلايدى Egemen.kz

«RZN» جشس جوباعا شامامەن 8 ملرد تەڭگە ينۆەستيتسيا سالۋدى جوسپارلاۋدا. زاۋىت تاۋلىگىنە 1000 داناعا دەيىنگى اۆتوكلاۆتى ۇيالى بەتون شىعارادى.

اۋدان اكىمى نۇربول تۇراشبەكوۆتىڭ مالىمدەۋىنشە، وندىرىستە 150 جۇمىس ورنى اشىلادى. قۇرىلىستا قولدانىلاتىن گاز بلوگىنا ەلىمىزدە ورتاشا جىلدىق قاجەتتىلىك – 3،6 ميلليون تەكشە مەتر.

«وسى ونىمدەردىڭ جەتىسپەۋ ماسەلەسى ماقتاارال وڭىرىندەگى قالپىنا كەلتىرۋ جۇمىستارى كەزىندە جانە تۇركىستان قالاسىنداعى اۋقىمدى قۇرىلىستار بارىسىندا بايقالدى. تۇركىستان ايماعىنداعى قولايلى ينۆەستيتسيالىق احۋال بىزگە ەڭ جاقسى ينۆەستورلاردى تارتۋعا مۇمكىندىك بەرەدى. مۇنى ستاتيستيكا دا دالەلدەپ وتىر. وتكەن جىلى تۇركىستان وبلىسى كاسىپكەرلىكتى جۇرگىزۋ بويىنشا ءبىرىنشى ورىنعا شىقتى جانە نەگىزگى كاپيتالعا سالىنعان ينۆەستيتسيانىڭ ءوسىمى بويىنشا كوشباسشى بولدى»، دەيدى وبلىس اكىمىنىڭ ورىنباسارى مەيىرجان مىرزاليەۆ.

بيىل «يندۋستريالاندىرۋ كارتاسى» اياسىندا تاعى ءۇش جوبا ىسكە قوسىلىپ، 300-دەن استام جاڭا جۇمىس ورنىن اشۋ كوزدەلگەن. 

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار