ەلوردا اكىمدىگىندە قالا اكىمىنىڭ ورىنباسارى باقتيار ماكەننىڭ توراعالىعىمەن نۇر-سۇلتاندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى كوميسسيانىڭ كەزەكتى وتىرىسى ءوتتى.
«قالا اۋماعىندا كارانتيندىك شارالاردىڭ جالعاسۋىنا بايلانىستى پوليتسيا دەپارتامەنتى شاعىن جانە ورتا بيزنەس نىساندارىنىڭ, ەلوردا تۇرعىندارى مەن قوناقتارىنىڭ ولاردى ساقتاۋى بويىنشا الدىن الۋ جۇمىستارىن جۇرگىزۋدە. ەپيدەميولوگيالىق تالاپتاردى بۇزاتىن وبەكتىلەرگە, ياعني ويىن-ساۋىق ورىندارىنا, دامحانالارعا, مەيرامحانالارعا, كاراوكەگە, بارلارعا, ساۋدا ورتالىقتارىنا ەرەكشە نازار اۋدارىلادى. وسى جىلدىڭ باسىنان بەرى موبيلدىك توپتار 1180 رەيد وتكىزىپ, 734 كارانتين شارالارىن بۇزۋ انىقتادى», دەدى پد باستىعى ا.ايتماعامبەتوۆ.
سانيتارلىق-ەپيدەميالىق باقىلاۋ دەپارتامەنتى مامانداندىرىلعان اۋدانارالىق اكىمشىلىك سوتقا 42 مەكەمەگە قاتىستى 53 ماتەريال جىبەردى, ولار — قارالۋ ساتىسىندا.
سوت شەشىمىمەن 36 مەكەمەنىڭ اكىمشىلىگى وبەكتىلەردىڭ قىزمەتى توقتاتىلىپ, اكىمشىلىك جاۋاپكەرشىلىككە تارتىلدى.
كارانتيندى بۇزۋشىلاردى انىقتاۋ بويىنشا جۇمىستار جالعاسۋدا, حالىققا كارانتيندىك شارالاردى ساقتاۋ تۋرالى ءتۇسىندىرۋ سۇحباتى جۇرگىزىلىپ جاتىر.
