جەرگىلىكتى بيلىكتىڭ حابارلاۋىنشا, KRI Nanggala-402 دەپ اتالاتىن قايىق باليدەن 100 شاقىرىم جەردە ءىز-ءتۇزسىز كەتكەن. ىزدەۋ جۇمىستارىنا 400-گە جۋىق ادام, 6 كەمە جانە 1 تىكۇشاق جۇمىلدىرىلعان.
سۇڭگۋىر قايىق ءباليدىڭ ماڭىنداعى تەرەڭ سۋلاردا جاتتىعۋ جاساۋى ءتيىس بولاتىن. بىراق كەي دەرەككوزدەردىڭ حابارلاۋىنشا, كەمە جاتتىعۋعا كىرىسكەننەن كەيىن كەرى بايلانىسقا شىقپاعان.
وسىعان بايلانىستى يندونەزيا بيلىگى سۇڭگۋىر قايىقتى تابۋ ءۇشىن اۋستراليا مەن سينگاپۋردان كومەك سۇرادى. بۇدان بولەك, اقش, اۋستراليا, فرانتسيا جانە گەرمانيا كومەك قولىن سوزۋعا دايىن.
سۇڭگۋىر قايىق جوعالعان ماڭنان سۋ بەتىنە جانارماي توگىلگەنى انىقتالىپ وتىر. كەي ساراپشىلاردىڭ ايتۋىنشا, سۋاستى كەمەسىنەن اقاۋ شىعۋى مۇمكىن. ايتسە دە, ەندى ءبىر ساراپشىلار سۋعا جانارماي توگۋ ارقىلى بورت مۇشەلەرى حابار بەرۋگە تىرىسۋى ىقتيمال ەكەنىن دە ايتادى.
جوعالىپ كەتكەن سۋاستى كەمەسى – يندونەزيا اسكەري فلوتىنا تيەسىلى 5 سۇڭگۋىر قايىقتىڭ بىرەۋى. ول 1970-ءشى جىلدارى قۇراستىرىلعان. 2012 جىلى وڭتۇستىك كورەيادا كۇردەلى جوندەۋدەن وتكەن.
