ەكى مينيسترلىك اراسىنداعى ىنتىماقتاستىق باعدارلاماسى زياتكەرلىك مەنشىك, مەملەكەتتىك قىزمەتتەردى تسيفرلاندىرۋ, زاڭ شىعارۋ قىزمەتى, ىنتىماقتاستىق سالاسىن كەڭەيتۋ جانە ت.ب. سالالاردا تاجىريبە الماسۋعا باعىتتالعان ءىس-شارالاردى كوزدەيدى.
سونىمەن قاتار, «بىرىڭعاي مەملەكەتتىك قۇقىقتىق ساياساتتى جۇرگىزۋ: قازىرگى زامانعى سىن - قاتەرلەر مەن بولاشاق ۇردىستەر» اتتى فورۋمنىڭ ءبىرىنشى سەسسياسىندا قازاقستان رەسپۋبليكاسىنىڭ ادىلەت ۆيتسە - ءمينيسترى ا.ە. احمەتوۆا قازاقستان رەسپۋبليكاسىندا قولايلى ينۆەستيتسيالىق احۋال جاساۋ بويىنشا جۇرگىزىلىپ جاتقان ساياسات تۋرالى بايانداما جاسادى.
ۆيتسە-مينيستر قازاقستان رەسپۋبليكاسىندا شەتەلدىك ينۆەستيتسيالاردى قورعاۋ جانە تارتۋ ءۇشىن قۇقىقتىق نەگىز قۇرۋعا باعىتتالعان قابىلدانىپ جاتقان زاڭنامالىق شارالار تۋرالى حابارلادى. سونداي-اق, شەتەلدىك ينۆەستورلارعا بەرىلەتىن نەگىزگى كەپىلدىكتەردى, جەڭىلدىكتەر مەن پرەفەرەنتسيالاردى اتاپ ءوتتى.
