وندا ىشكى ىستەر ورگاندارىنىڭ اعىمداعى جىلدىڭ 1 توقسانىنداعى قىزمەتىنىڭ قورىتىندىلارى, سونداي-اق مەملەكەت باسشىسىنىڭ قوعامدىق قاۋىپسىزدىكتى قامتاماسىز ەتۋ سالاسىنداعى تاپسىرمالارىن ىسكە اسىرۋ جونىندەگى شارالار قارالدى.
ىشكى ىستەر ءمينيسترى ەرلان تۇرعىمباەۆ پوليتسيا قىزمەتىنىڭ نەگىزگى ەكى باعىتى – قۇقىق بۇزۋشىلىقتاردىڭ الدىن الۋ سونداي-اق قىلمىسقا قارسى كۇرەس بويىنشا مىندەتتەردى اتاپ ءوتتى.
قۇقىق بۇزۋشىلىق پروفيلاكتيكاسى سالاسىندا:
- نەعۇرلىم كريمينوگەندى ۋچاسكەلەردە ستاتسيونارلىق بەكەتتەر ورناتۋ, جانە ۇيلەردىڭ اۋلالارىنداعى ساياباقتاردا, سكۆەرلەردە جاياۋ پاترۋلدەۋ ەسەبىنەن «جۇرتقا جاقىن پوليتسيا» قاعيداتىن ىسكە اسىرۋدى قامتاماسىز ەتۋ;
- قوعامدىق ورىنداردا, ەلدى مەكەندەردە جانە رەسپۋبليكالىق ماڭىزى بار جولداردا پوليتسيانىڭ جەدەل باسقارۋ ورتالىقتارىمەن ىقپالداسا وتىرىپ زياتكەرلىك قاۋىپسىزدىك جۇيەلەرىن دامىتۋ بويىنشا شارالار قابىلداۋ;
- ۋچاسكەلىك پوليتسيا بولىمشەلەرى جەلىسىن دامىتۋدى قامتاماسىز ەتە وتىرىپ, ۋچاسكەلىك ينسپەكتورلار قىزمەتىنىڭ قاجەتتىلىكتەرىن ارتتىرۋ;
- جول قوزعالىسى قاۋىپسىزدىگى مەن جول ينفراقۇرىلىمىن باقىلاۋدى كۇشەيتۋ;
- قىلمىستىق-تۇزەۋ مەكەمەلەرىنە جاپپاي بەينەباقىلاۋ ەنگىزۋ;
قىلمىسقا قارسى كۇرەس ماسەلەلەرى بويىنشا:
- قىلمىستىق پروتسەستىڭ ءۇش بۋىندى مودەلىنە كوشۋ بويىنشا جۇرگىزىلىپ جاتقان جۇمىس شەڭبەرىندە سوتقا دەيىنگى تەرگەپ-تەكسەرۋدىڭ ساپاسى مەن اشىقتىعىن جاقسارتۋ;
- كيبەرقىلمىسپەن كۇرەس بولىمشەلەرىن بىلىكتى ءىت-ماماندارىمەن تولىقتىرۋ, ينتەرنەت-الاياقتىققا قارسى ءتيىمدى ءىس-قيمىلدى قامتاماسىز ەتە وتىرىپ, قازىرگى زامانعى باعدارلامالىق-تەحنيكالىق جابدىقتارمەن قامتاماسىز ەتۋ;
- ەسىرتكى قىلمىسىنا قارسى كۇرەستى كۇشەيتۋ, سينتەتيكالىق ەسىرتكىلەردىڭ ونىڭ ىشىندە ينتەرنەت-رەسۋرستار ارقىلى تارالۋىنىڭ جولىن كەسۋ جونىندە ماڭىزدى شارالار قابىلداۋ;
«ازاماتتاردىڭ كونستيتۋتسيالىق قۇقىقتارىن قورعاۋ جانە قوعامدىق قاۋىپسىزدىك وسى مىندەتتەردى تيىسىنشە ورىنداعان جاعدايدا قامتاماسىز ەتىلەدى», دەدى ءىىم باسشىسى.
گاۋحار قاپاش
