«ساۋىردە اگەنتتىك ۇلتتىق ەكونوميكا مينيسترلىگىمەن بىرلەسىپ, مەملەكەتتىك باعدارلامالاردىڭ جۇزەگە اسىرىلۋىنا مونيتورينگ جۇرگىزۋدى باستادى. ساراپتاما ناتيجەلەرى ۇلتتىق جوبالاردى ازىرلەۋ بارىسىندا قانداي باعىتتا جىلجۋىمىز قاجەتتىگى تۋرالى ناقتى اقپارات بەرەدى. ودان كەيىن مامىر-ماۋسىمدا ۇلتتىق جوبالاردى پرەمەر-مينيستر, پرەمەر-ءمينيستردىڭ ورىنباسارلارى, جوبا تالىمگەرلەرى جانە قازاقستان رەسپۋبليكاسى پارلامەنتى دەپۋتاتتارى دەڭگەيىندە تالقىلاۋ جالعاسادى», دەدى قايرات كەلىمبەتوۆ اقوردادا مەملەكەت باسشىسىنىڭ توراعالىعىمەن وتكەن رەفورمالار جونىندەگى جوعارعى كەڭەس وتىرىسىندا.
سونىمەن قاتار اگەنتتىك باسشىسى جوبالار قوعامداستىقپەن, ساراپشىلار توبىمەن, ۇلتتىق كاسىپكەرلەر پالاتاسىمەن تالقىلانتىندىعىن دا ايتتى.
«ساۋىردەن ماۋسىمعا دەيىن جوبانى ازىرلەۋشى مەملەكەتتىك ورعاندار شىعىستاردى نەگىزدەۋ ءۇشىن بيۋدجەتتىك وتىنىمدەر ازىرلەۋگە كىرىسەدى. شىلدەدە ۇلتتىق جوبالاردى رەفورمالار جونىندەگى جوعارعى كەڭەستىڭ وتىرىسىندا قاراستىرۋ جانە پرەزيدەنت جارلىعىمەن ۇلتتىق جوبالار تىزبەسىن بەكىتۋ جوسپارلانعان. ال ۇلتتىق جوبالاردىڭ ءوزى قر ۇكىمەتى قاۋلىسىمەن بەكىتىلەتىن بولادى», دەدى ول.
قايرات كەلىمبەتوۆ تامىزدا جوبالاردى جۇزەگە اسىرۋ, قر ۇكىمەتى جانىنداعى ۇلتتىق جوبالاردى مونيتورينگىلەۋ كەڭسەسىنىڭ, ستراتەگيالىق جوسپارلاۋ جانە رەفورمالار اگەنتتىگى جانىنداعى ۇلتتىق ساراپتامالىق ورتالىقتىڭ قاتىسۋىمەن ولاردىڭ جۇيزەگە اسىرىلۋىن مونيتورينگىلەۋ جانە باعالاۋ باستالاتىندىعىن ايتتى.
