رۋحانيات • 21 ءساۋىر، 2021

«سالەمەتسىز بە، باقتيار!»

740 رەت كورسەتىلدى

تاياۋدا گازەتىمىزدىڭ قاراعاندى وبلىسىنداعى تىلشىلەر قوسىنىنا مۇگەدەك بالاسى بار جالعىزباستى انا حابارلاسىپ، كومەك سۇرادى. ءوزى بەس قاباتتى «حرۋششەۆكا» ءۇيدىڭ جوعارى پاتەرىندە تۇرادى ەكەن: كوكتەمدە قار ەرىگەندە، جازدا جاڭبىر جاۋعاندا توبەدەن سۋ سورعالاپ اعاتىن كورىنەدى.

كوپ ويلانىپ جاتپاستان، الەۋمەتتىك جەلىنى كۇندە «شۋلاتىپ» جۇرگەن باقتيار ەسىمدى ازاماتقا حابارلاسۋىنا كەڭەس بەردىم. ەرتەسىنە الگى ايەل تۇسىرگەن بەينەارىز فەيسبۋكتە جاريالاندى. كوپ ۇزاماي قالالىق ءماسليحاتتىڭ دەپۋتاتتارى، جەرگىلىكتى اتقارۋشى بيلىكتىڭ وكىلدەرى كەلىپ، جانايقاي يەسىنىڭ جاعدايىمەن تانىسقان، كومەك قولىن سوزۋعا ۋادە بەرىپتى...

مىنە، جوعارىدا ەسىمى اتالعان باقتياردى بۇگىندە قاراعاندى تۇر­عىندارىنىڭ باسىم كوپشىلىگى تانيدى دەسەك، شىندىقتان الىس كەت­پەيمىز. بۇگىندە ولاردىڭ «سالەمەت­سىز بە، باقتيار!»، دەپ باستالاتىن ارىز-شاعىمعا تولى جازبالارى مەن بەينەروليكتەرى فەيسبۋك پەن ينس­تاگرامنىڭ بەتىن جاۋلاپ العان. بۇ­گىنگى كۇننىڭ اششى شىندىعى سول – كوم­مۋنالدىق كەلەڭسىزدىكتەردەن ابدەن قاجىعان جۇرت اكىمدىكتەگىلەردى ەمەس، الەۋمەتتىك جەلىدەگى وسى ازاماتتى ىزدەيتىن بولدى.

 سونىمەن، باقتيار ومارحانوۆ دەگەن كىم؟

– باقتيار، ءسىز ءوزىڭىزدى كىممىن دەپ سا­ناي­سىز: بلوگەرسىز بە، اتقارۋ­شى بي­­لىك­كە وپپوزيتسياداعى ادام­سىز با، الدە ادىلەتسىزدىكپەن جانە تار­تىپ­سىز­دىكپەن كۇرەسۋشى بەلسەندى­سىز بە؟

– بلوگەر دە جانە ەشقانداي دا ات­قارۋشى بيلىككە وپپوزيتسيالىق كوزقاراستاعى ادام دا ەمەسپىن. تەك قانا ادىلەتتىلىكتى جاقتاۋشىمىن. قانداي جۇمىستا بولساڭ دا ادال بول، وتىرىك ايتپا، ەشكىمگە قيانات جاساما، السىزگە كومەكتەس. مىنە، ۇيادان العان تاربيەم – وسى.

– ءبىر كەزدەرى ءسىز قاراعاندى قا­لاسى اكىمىنىڭ اپپارات باسشىسى بولىپ قىزمەت ەتتىڭىز. قىزمەتتىك مانساپتى جالعاستىرۋعا نە كەدەرگى بولدى؟

– ول قىزمەتكە جاستاۋ كەزىمدە، 27 جاسىمدا كەلدىم. نەگىزىندە، اكەم دە ول مەكەمەدە قىزمەت ەتۋ اۋىر بو­لا­تىنىن ايتىپ، قارسى بول­عان. بىراق سول كەزدەگى وبلىس اكىمى نۇر­مۇ­حامبەت ابدىبەكوۆ ءوزى قابىلداپ، ۇسىنىس جاساعان سوڭ قارسى بولمادىم. تەست تاپسىرىپ، كونكۋرسقا قاتى­سىپ، قىزمەتكە تۇردىم. ول جۇ­مىسقا دەيىن جەكە كاسىپكەرلىكپەن اينا­لىس­تىم، وبلىستىق كاسىپكەرلىك باس­قارماسىن­دا، «قازاگرو» اق-تىڭ وبلىستىق فيليالىندا قىزمەت ات­قارىپ، ءبىراز تاجىريبە جيناعان ەدىم. قالا اكىمى اپپاراتىنىڭ باسشىسى لاۋازىمى وتە قىزىقتى جۇمىس ەدى. بىراق ءارتۇر­لى وبەكتيۆتى-سۋبەكتيۆتى سەبەپتەرمەن قىزمەتتى جالعاستىرۋعا مۇمكىندىك بولمادى دا، ءوز ەركىممەن ءوتىنىش جازىپ كەتۋگە تۋرا كەلدى.

– ۇستانعان پوزيتسياڭىز جەرگى­لىكتى بيلىككە جاقپايتىنى بەلگىلى. وسى ورايدا قۋدالاۋ، قوقان-لوقى كورگەن جەرىڭىز بار ما؟

– ءيا، جەرگىلىكتى بيلىك ۇنات­پاي­دى، ولاردىڭ سىندى اۋىر قابىل­داي­تىنىن بىلەمىن. ويتكەنى مەن ولار­دى كوپ ماق­­تامايمىن عوي، تەك تۇر­عىند­اردىڭ وتى­نىشتەرى بويىنشا كەم­شىلىكتەرىن جاريا ەتۋمەن اينا­لىسامىن. ارينە كەيدە رەنىش­تەرىن جەتكىزىپ جاتادى.

– اكىمدىك تاراپىنان قانداي رەاكتسيا بولادى؟ مۇمكىن ولار ءسىزدى قىزمەتپەن قىزىقتىرىپ، وزدەرىنە شاقىرىپ جۇرگەن شىعار؟

 – اكىمدىك تاراپىنان بولاتىن رەاكتسيالار ءارتۇرلى. بولىمدەر، اۋدان اكىمدىكتەرى جىلدام شارا قولدانىپ، جاۋابىن بەرىپ جاتادى. «جازعاندارىڭدى الىپ تاستاشى، وبلىس اكىمدىگى ۇرسادى» دەگەندەي دە وتىنىشتەر بولادى. نەگىزى وبلىستىق دەڭگەيدە، قاراعاندىنىڭ ءوز باسىندا اۋىر قابىلدايدى. جازعاندارىمدى ەلەمەۋگە تىرىسادى، جاۋاپتارىن دا بەرە قويمايدى، شارالار دا كەشتەۋ قابىلدانادى. ارينە وبلىس ورتالىعىندا حالىق تا كوپ، جۇمىس تا باستان اسادى، بۇرىننان قوردا­لان­عان كەمشىلىكتەر دە جەتەدى، ونىڭ ءبارىن تۇسىنەمىن. مەنىڭ بار ويىم سول پروب­لەمالاردى دەر كەزىندە شەشۋگە كومەكتەسۋ عانا. وكىنىشكە قاراي، ونى بىرەۋ دۇرىس قابىلداسا، ەندى بىرەۋلەر تۇسىنبەي جاتادى. ال قىزمەت تۋرالى ايتسام، ازىرگە اكىمدىك تاراپىنان ونداي ۇسىنىس تۇسە قويعان جوق. ءتىپتى، بىرلەسىپ جۇمىس ىستەۋگە دە نيەت تانىتقان ەمەس.

– ءسىزدىڭ اكەڭىز نيقانباي ومار­حانوۆ ۇزاق جىلدار بويى مەملە­كەتتىك قىزمەتتە بولدى، وبلىستا بىر­قاتار اۋداندى باسقاردى. قازىر­گى تىرلىگىڭىزگە اكەڭىز قالاي قارايدى؟

 – اسا قۇپتامايدى. ەل قاتارلى قىزمەتتە بول، ادىلدىك ىزدەسەڭ جۇيەنى ىشىنەن تۇزەتۋگە جۇمىس ىستە دەگەندى ايتادى. «جالعىزدىڭ ءۇنى شىقپايدى، جاياۋدىڭ شاڭى شىقپايدى»، دەپ مەن ءۇشىن الاڭدايدى.

– قاراعاندىنىڭ كوپتەگەن تۇر­عىن­ى ءسىزدى ۇنەمى ىزدەيدى. بۇعان نە سەبەپ دەپ ويلايسىز: ولار ات­قارۋ­شى بيلىككە سەنبەي مە، اكىمدەر جۇمىستى دۇرىس ۇيىمداس­تىرا الماي ما، الدە ولار ءسىزدى «قۇت­قارۋ­شى» كەيپىندە كورگىسى كەلە مە؟

– اتقارۋشى بيلىك كوپ جاعدايدا ماسەلەنىڭ الدىن الۋدا كەشىگىپ جۇ­رەدى. كۇندەلىكتى اعىمداعى جۇمىس­تار­مەن كەتىپ قالادى دا، نەگىزگى جۇمىس­تارىنا ۇلگەرمەي جاتادى. سوسىن كەمشىلىك ورىن العاندا عانا ء«ورت ءسوندىرۋشى» رەتىندە جانتالاسادى. تۇرعىندار سوعان رەنجيدى، سوسىن ەرىكسىز ءبىز سياقتى تاۋەلسىز قوعام بەل­سەندىلەرىنە شىعادى. بۇل ارينە دۇرىس ەمەس! ەكىنشى جاعىنان بار­لىق جاۋاپكەرشىلىك پەن مىندەت ات­قارۋشى بيلىكتىڭ موينىندا قالىپ قويادى دا، ءماسليحاتتار، دەپۋتاتتار سياقتى وكىلەتتى ورگاندار اكىمدەردىڭ كولەڭكەسى سياقتى جۇرەدى. حالىقپەن جۇيەلى جۇمىس ىستەمەيدى، مەملەكەت تاراپىنان جەرگىلىكتى بيلىككە كومەك رە­تىندە قۇرىلعان قوعامدىق كەڭەس­تەردىڭ ءرولى جوققا ءتان. ويتكەنى ول كەڭەستەرگە اكىمدەر وزدەرىنە قار­سى شىقپايتىن ادامداردى عانا جيناپ، ءپرينتسيپشىل ازاماتتاردى سايلاعىلارى كەلمەي مە دەگەن وي كەيىنگى كەزدە ءجيى كەلەدى.

– جالپى، ءسىز كۇندە ايتىپ، كور­سە­تىپ جۇرگەن كەمشىلىكتەرگە كىم كىنالى: اكىمدەر مە، نەمقۇرايدى تۇر­عىندار ما، جوق قازىرگى قالىپ­تاسقان جۇيە مە؟

– پرەزيدەنتىمىز حالىق ءۇنىن ەستيتىن مەملەكەت تۋرالى ۇنەمى ايتىپ، كادر ماسەلەسىنە قاتتى كوڭىل ءبولىپ ءجۇر. ءبىلىمدى، جىگەرلى جاستاردى بيلىككە تارتىپ، بيلىكتى قوعام تاراپىنان باقىلاۋ تۋرالى ناقتى تاپسىرمالار بەرىپ، قالىپتاسقان جۇيەنى وزگەرتۋ تۋرالى كوپ ايتىپ جاتىر عوي. قولدايمىن.

– بلوگتى قولداۋ ءۇشىن دەپ الەۋ­مەتتىك جەلىلەردە اقشا جيناپ جاتىر ەكەنسىز. اقشا جۇرگەن جەردە قاڭقۋ ءسوز جۇرەدى، بۇل تىرلىگىڭىز ءتۇبى وزىڭىزگە پالە بولىپ جابىسادى دەپ ويلامايسىز با؟

– بۇل ماسەلەنى بەلگىلى قوعام بەل­سەن­دىلەرىنىڭ ۇسىنىسىمەن تاياۋ ارادا عانا قولعا الدىم. سەبەبى تۇراقتى جۇمىسىم جوق، ال ەلدىڭ ايتقان ارىز-شاعىمىن ارنايى بارىپ، كوزبەن كورۋ كەرەك. جازعاندارىن وڭدەپ، تۇزە­تىپ، بەينەفوتو مونتاجداپ، ءبىراز جۇ­مىس­تاردى ىستەۋگە تۋرا كەلەدى. مۇ­نىڭ ءبارى وڭاي ەمەس. وعان ۋاقىت كەرەك، ءجۇرىپ-تۇرۋىڭا بەنزين كەرەك، كۇن­­كورىستى دە ۇمىتپاعان ءجون. بۇل جەر­دە مەن ەشكىمگە اقشا تولە دەپ تالاپ قويمايمىن، بۇل اركىمنىڭ جەكە شە­شىمى جانە شوتىما ماردىمدى قار­جى دا ءتۇسىپ جاتقان جوق. ال نەگىزگى ناپا­قام­دى تاكسي قىزمەتىنەن، ينستاگرامدا جارناما، كەڭەس بەرۋدەن تابامىن.

– وسىلاي جۇرە بەرەسىز بە؟ الدە، الدا جوبالار مەن جوسپارلار بار ما؟

– جوسپارلار دا، جوبالار دا كوپ. ونىڭ قالاي بولارىن الداعى ءومىر كورسەتەدى.

– ءوزىڭىز تۋرالى، وتباسىڭىز جا­يىندا ايتا كەتسەڭىز...

 – جاسىم 31-دە. ۇيلەنگەنمىن، ءبىر بالام بار.

 

اڭگىمەلەسكەن

قايرات ءابىلدا،

«Egemen Qazaqstan»

 

قاراعاندى

 

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ۇقساس جاڭالىقتار