ايماقتار • 21 ءساۋىر، 2021

ماسانشىداعى دۇنگەن ۇلتىنىڭ وكىلدەرى قازاق ءتىلىن ۇيرەنۋدە

43 رەت كورسەتىلدى

بىلتىر قورداي اۋدانىندا بولعان وقيعا كەزىندە ماسانشى اۋىلىنداعى بىرقاتار ءۇي مەن كاسىپكەرلىك نىسان زارداپ شەككەن ەدى، دەپ حابارلايدى Egemen.kz

كەيىننەن مەملەكەت تاراپىنان ولارعا قولداۋ كورسەتىلىپ، اتالعان نىساندار از ۋاقىتتىڭ ىشىندە قايتا قالپىنا كەلتىرىلدى. ماسەلەن سول كەزدە اۋىل تۇرعىنى، دۇنگەن ۇلتىنىڭ وكىلى يۋسۋف پاروۆتىڭ دا ءۇيى ورتەنگەن. وعان ب ۇلىنگەن باسپاناسىنىڭ ورنىنا مەملەكەت 7 بولمەلى ءۇي سالىپ بەرىپتى.

بۇل تۋرالى تۇرعىن ءباسپاسوز تۋرى كەزىندە ءباسپاسوز وكىلدەرىنە ايتىپ بەردى اتاپ ءوتتى.

سول سياقتى، اۋىل تۇرعىنى ابدۋراشيد پۋتوردىڭ دا باسپاناسى مەن اۋىر جۇك كولىگىنە ءورت تيگەن ەكەن. اتالعان تۇرعىننىڭ ءۇيى دە بۇگىندە قالپىنا كەلتىرىلگەن. اۋىلدا وتكەن جىلى ءۇيى وتقا ورانىپ، مەملەكەت قامقورلىعىنىڭ ناتيجەسىندە قايتا قالپىنا كەلتىرىلگەن بىرقاتار ادامدار بار.

بۇل رەتتە جەرگىلىكتى جۇرتشىلىق قيىن-قىستاۋ كەزدە قولۇشىن سوزعان مەملەكەتكە العىسىن ءبىلدىردى. ماسانشى اۋىلدىق وكرۋگى ارداگەرلەر كەڭەسىنىڭ توراعاسى دىدىر حارسان ۇلى دا بۇگىندە اۋىل تۇرعىندارىنىڭ بەيبىت ءارى تاتۋ-ءتاتتى ءومىر ءسۇرىپ وتىرعانىن جەتكىزدى. اۋىلداعى جايماشۋاق تىرشىلىك جالعاسۋدا. ءوز سوزىندە كاسىپكەر رابيا جينليروۆا قاقتىعىس كەزىندە يەلىگىندەگى بىرقاتار نىساننىڭ ورتەنىپ كەتكەنىن، سالدارىنان 20 ميلليون تەڭگەگە زالال كەلگەنىن ايتتى.

قازىر كاسىپكەرلىك نىساندار قالپىنا كەلتىرىلگەن. مۇنداي قارقىندى جۇمىستار قاراكەمەر اۋىلىندا دا جالعاسۋدا. اۋىلدىق ارداگەرلەر كەڭەسىنىڭ توراعاسى ەرعازى بوزشاەۆتىڭ ايتۋىنشا، اۋىلدا 20 پاتەرلى 10 ءۇي سالىنىپتى. اتالعان ۇيلەر الەۋمەتتىك از قامتىلعان وتباسىلار مەن ءتۇرلى سالا ماماندارىنا بەرىلگەن.

جيىن بارىسىندا قورداي اۋدانىنىڭ اكىمى رۇستەم داۋلەت اۋداننىڭ بۇگىنگى احۋالى تۋرالى سۇحبات بەردى. اكىم ءوز سوزىندە وتكەن جىلى قوردايعا مەملەكەت باسشىسى قاسىم-جومارت توقاەۆتىڭ كەلگەنىن، پرەزيدەنتتىڭ سول ساپارىندا حالىق تاراپىنان الەۋمەتتىك ماسەلەلەردىڭ كوتەرىلگەنىن ايتتى. ناتيجەسىندە، پرەزيدەنت تاپسىرماسىنا سايكەس، قورداي اۋدانىنا ەل ۇكىمەتىنىڭ، جامبىل وبلىسى اكىمدىگىنىڭ قولداۋ كورسەتكەنىن جەتكىزدى.

بىلتىر اۋدانداعى 392 جوباعا 35 ميلليارد تەڭگە بولىنگەن. ونىڭ ىشىندە 11 ميلليارد تەڭگەگە 22 اۋىل گازداندىرىلىپ، اۋدان بۇگىندە 95 پايىز گازبەن قامتىلعان. سول سياقتى، 6،9 ميلليارد تەڭگەگە كوشەلەر جوندەلگەن. ءوز سوزىندە اۋدان اكىمى اۋىلىشىلىك جولدارعا، اۋىلداردى اباتتاندىرۋعا جانە جارىقتاندىرۋ جۇمىستارىنا دا كوپ كوڭىل ءبولىنىپ وتىرعانىن ايتتى.

سونىمەن قاتار وتكەن جىلى 41 ءۇي مەن 13 كوممەرتسيالىق نىسان زارداپ شەككەن بولسا، بۇگىندە ولاردىڭ ءبارى  مەملەكەت جانە دەمەۋشىلەر تاراپىنان قالپىنا كەلتىرىلگەن. سونداي-اق، 135 ميلليون تەڭگەگە جۋىق قاراجاتقا اۋدان تۇرعىندارىنا كومەك كورسەتىلگەن.

جالپى بۇگىندە ماسانشى اۋىلىن مەكەندەيتىن دۇنگەن ۇلتىنىڭ وكىلدەرى قازاق ءتىلىن ۇيرەنۋدە. اۋىلداعى №13 ورتا مەكتەپتىڭ ديرەكتورى قامبار يمانقۇلوۆتىڭ ايتۋىنشا، اتالعان ءبىلىم وشاعىندا 936 بالا وقيدى. بۇل بالالاردىڭ ىشىندە تەك 34 بالانىڭ عانا ۇلتى قازاق.

الايدا ساباق بارلىق ءبىلىم الۋشىعا قازاق تىلىندە جۇرگىزىلەدى ەكەن. بىزبەن كەزدەسۋدە اتالعان ورتا مەكتەپتىڭ 9-سىنىپ وقۋشىسى، دۇنگەن ۇلتىنىڭ وكىلى زەينەپ حيبا قازاق ءتىلىن جاقسى كورەتىنىن، قۇرمەتتەيتىنىن، سول ءۇشىن مەملەكەتتىك ءتىلدى ۇيرەنگەنىن ايتىپ، اقيىق اقىن مۇقاعالي ماقاتاەۆتىڭ ءبىر ولەڭىن وقىپ بەردى.

 

جامبىل وبلىسى،
قورداي اۋدانى.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

تۇركىستاننىڭ جاڭا ءداۋىرى

قوعام • بۇگىن، 07:55

ۇقساس جاڭالىقتار