«تۇرعىن ءۇي-كوممۋنالدىق شارۋاشىلىعىن جاڭعىرتۋ مەن دامىتۋدىڭ قازاقستاندىق ورتالىعى» اق باسقارما توراعاسىنىڭ ورىنباسارى نۇربەك سەرىكوۆ ورتالىق كوممۋنيكاتسيالار قىزمەتىندە وتكەن بريفينگ بارىسىندا كوپپاتەرلى تۇرعىن ۇيلەردى باسقارۋدىڭ جاڭا تەتىكتەرى تۋرالى باياندادى.
«باسقارۋدىڭ جاڭا فورمالارى ء«بىر ءۇي – ءبىر بىرلەستىك – ءبىر ەسەپشوت» ءپرينتسيپى بويىنشا جۇمىس ىستەيدى. ءاربىر ميب ءوزىنىڭ اعىمداعى جانە جيناق شوتىن اشادى. وسىلايشا, بۇل پرينتسيپ ءار ءۇيدى جەكە باسقارۋعا مۇمكىندىك بەرەدى. بۇل رەتتە پيك, پاتەر يەلەرىنىڭ تۇتىنۋ كووپەراتيۆتەرى, تۇرعىن ەمەس ءۇي-جايلار, تۇتىنۋ كووپەراتيۆتەرى 2022 جىلعى 1 شىلدەگە دەيىن جۇمىستارىن جالعاستىراتىنىن اتاپ وتكىم كەلەدى. قىزمەت ەتۋ مەرزىمى اياقتالعاننان كەيىن ولار اكت بويىنشا كوپ پاتەرلى تۇرعىن ءۇيدىڭ كەڭەسىنە بارلىق تەحنيكالىق, قارجىلىق جانە وزگە دە قۇجاتتاردى بەرىپ, زاڭنامادا بەلگىلەنگەن تارتىپپەن تاراتىلۋى ءتيىس», دەپ اتاپ ءوتتى سپيكەر.
ميب نەمەسە جس قۇرۋ پروتسەدۋراسى زاڭدا جانە نورماتيۆتىك قۇقىقتىق قۇجاتتاردا قاراستىرىلعان. ەڭ باستىسى, پاتەرلەردىڭ, تۇرعىن ەمەس ءۇي-جايلاردىڭ يەلەرى بەلسەندى بولىپ, جينالىس ۇيىمداستىرىپ, ميب نەمەسە جس قۇرۋ تۋرالى شەشىم قابىلداۋى كەرەك.
