ءبىلىم • 21 ءساۋىر، 2021

دوكتورانتۋراعا ءتۇسۋ كەزىندە شىعارماشىلىققا كوڭىل بولىنەدى

39 رەت كورسەتىلدى

دوكتورانتۋراعا ءتۇسۋ ەمتيحاندارى بيىل العاش رەت ەلەكتروندى فورماتتا وتەدى. ۇمىتكەرلەر دوكتورانتۋرادا وقۋعا دايىندىعىن تەكسەرۋ ءۇشىن تەست، ءبىلىم بەرۋ باعدارلاماسىنىڭ بەيىنى بويىنشا ەمتيحان تاپسىرىپ، كومپيۋتەردە ەسسە جازاتىن بولادى. بۇل تۋرالى ۆەدومستۆونىڭ اپپاراتتىق كەڭەسىندە ءبىلىم جانە عىلىم ۆيتسە-ءمينيسترى ميراس داۋلەنوۆ مالىمدەدى.

«وتكەن جىلى ماگيستراتۋراعا ەمتيحان تاپسىرۋ كەزىندە قولدانىلعان ەلەكتروندى فورمات سىناقتان ءساتتى ءوتتى. دوكتورانتۋراعا ءتۇسۋ ءۇشىن قۇجاتتار بعم ۇلتتىق تەستىلەۋ ورتالىعىنىڭ اقپاراتتىق جۇيەسى ارقىلى قابىلدانادى. گرانتتىڭ تاعايىندالۋى تۋرالى كۋالىك ءاربىر وقۋعا ءتۇسۋشىنىڭ جەكە كابينەتىندە ەلەكتروندى فورماتتا بەرىلەتىن بولادى»، دەدى ۆيتسە-مينيستر. 

دوكتورانتۋراعا ماگيستر دارەجەسى جانە كەمىندە 9 اي جۇمىس ءوتىلى بار تۇلعالار، سونداي-اق مەديتسينالىق ماماندىقتار بويىنشا رەزيدەنتۋرادا وقۋىن اياقتاعان ۇمىتكەرلەر تۇسە الادى.

 «تىركەۋ كەزىندە وقۋعا ءتۇسۋشى ساۋالدامانى تولتىرىپ، ءبىر جوو-نى، ءبىر ءبىلىم بەرۋ باعدارلامالارىنىڭ توبىن كورسەتەدى جانە ەمتيحان تاپسىرۋ ورنىن ءوزى تاڭدايدى. ءتۇسۋ ەمتيحاندارىن وتكىزۋ كەستەسى وقۋعا تۇسۋشىلەردىڭ نازارىنا ەمتيحان باستالعانعا دەيىن ءۇش كۇن بۇرىن جەتكىزىلەدى. ۇمىتكەرلەر كومپيۋتەردە ەسسە جازىپ، دوكتورانتۋرادا وقۋعا دايىندىق تەستىن جانە ءبىلىم بەرۋ باعدارلامالارى توبىنىڭ بەيىنى بويىنشا ەمتيحان تاپسىراتىن بولادى»، دەدى م.داۋلەنوۆ.

بۇل رەتتە ءتۇسۋ ەمتيحانىنىڭ قورىتىندى باعاسى ەسسە، دوكتورانتۋرادا وقۋعا دايىندىق تەستى جانە بەيىندى ەمتيحانداردى باعالاۋ ناتيجەلەرىن جيناقتاۋ ارقىلى الىنعان بالداردىڭ جيىنتىعى بولىپ تابىلادى. دوكتورانتۋراعا ءوتىنىش قابىلداۋ 3 شىلدەدە باستالىپ، 3 تامىزعا دەيىن جالعاساتىنىن ەستەرىڭىزگە سالا كەتەيىك. دوكتورانتۋراعا ءتۇسۋ ەمتيحاندارى 4-20 تامىز ارالىعىندا وتەدى.

ماگيستراتۋراعا ءتۇسۋ فورماتىنا كەلەتىن بولساق، بيىل ەشقانداي وزگەرىس جوق. تەستىلەۋ ناتيجەلەرىمەن كەلىسپەگەن جاعدايدا وقۋعا ءتۇسۋشى تەستىلەۋ اياقتالعاننان كەيىن 30 مينۋت ىشىندە بىردەن اپەللياتسياعا ءوتىنىش بەرە الادى.

ماگيستراتۋراعا قۇجاتتاردى قابىلداۋ 1 ماۋسىمدا باستالىپ، 15 شىلدەدە اياقتالادى. وقۋعا ءتۇسۋ ەمتيحاندارى 20 شىلدە مەن 10 تامىز ارالىعىندا وتەدى. ماگيستراتۋراعا تۇسۋشىلەر ۇلتتىق تەستىلەۋ ورتالىعىنىڭ سايتىندا بايقاۋ سىناعىنان وتە الادى.

مەملەكەتتىك ءبىلىم بەرۋ تاپسىرىسى بو­يىنشا ماگيستراتۋراعا ءتۇسۋ ءۇشىن ءوتۋ بالى وزگەرىسسىز قالىپ، 75 بالدى قۇرايدى، ال دوكتورانتۋراعا اقىلى نەگىزدە ءتۇسۋ ءۇشىن – 50 بالل. ەمتيحاننىڭ ۇزاقتىعى – ءتورت ساعات.

سوڭعى جاڭالىقتار

ەرلىككە تولى سۋرەتتەر

رۋحانيات • بۇگىن، 13:05

كيىكتەردىڭ تولدەۋ كەزەڭى باستالدى

فوتوگالەرەيا • بۇگىن، 12:07

«بارىستىڭ» العاشقى ترانسفەرى

حوككەي • بۇگىن، 08:50

«ءان» بە، «ءۇن» بە؟

رۋحانيات • بۇگىن، 08:36

جۋرناليست قاسىم

رۋحانيات • بۇگىن، 08:34

ءسوز سويىل: ءازىل-وسپاق

رۋحانيات • بۇگىن، 08:32

دالالىق وركەنيەت تاعىلىمى

تاريح • بۇگىن، 08:23

بالاباقشانىڭ جوعىنان بارى جاقسى

ايماقتار • بۇگىن، 08:18

كاسىپكە باۋلۋ – قاسيەتتى بورىش

ايماقتار • بۇگىن، 08:16

اتى-جونىمىزگە اباي بولايىق

قوعام • بۇگىن، 08:14

ءۇي ىشىندەگى ۇيلەسىم

پىكىر • بۇگىن، 08:06

قوي باققان وزار...

ايماقتار • بۇگىن، 08:03

حالىقارالىق قۇجاتتار قابىلداندى

قازاقستان • بۇگىن، 07:58

ايسبەرگ اقيقاتى

ادەبيەت • كەشە

جوق كىتاپتى ىزدەۋ

ادەبيەت • كەشە

كرەست-كەدەرگى...

ادەبيەت • كەشە

ۇقساس جاڭالىقتار