قازاقستاندىق تەننيسشى باستاپقى كەزدەسۋىن الەمنىڭ 48-راكەتكاسى, يسپانيالىق الەحاندرو داۆيدوۆيچ فوكينامەن وتكىزدى.
ءبىرىنشى پارتيادا ا.بۋبليكتەن ەكى جاس كىشى, 21-دەگى يسپانيالىق سپورتشى باسىمدىلىق تانىتتى – 6:2. ول ەكىنشى سەتتىڭ ورتاسىنا دەيىن سەنىمدى وينادى.
ەكىنشى پارتيادا ەسەپ 5:5 بولعان مەزەتتە قازاقستاندىق تەننيسشى برەيك جاساپ كەتتى. سوسىن ءوز گەيمىن وڭاي الا ءبىلدى – 7:5.
ءۇشىنشى, شەشۋشى پارتيادا تاعى ەكى برەيك جاساعان ا.بۋبليك ماتچتى جەڭىسپەن تۇيىندەدى – 6:2.
باسەكە 1 ساعات 31 مينۋتقا سوزىلدى.
ا.بۋبليك ەكىنشى اينالىمدا الەمنىڭ 25-راكەتكاسى, اۋستراليالىق الەكس دە مينورمەن الاڭعا شىعادى.
بارسەلونا دوداسى 25 ساۋىردە مارەگە جەتەدى.
