مينيستر پرەزيدەنتكە ۆەدومستۆو جۇمىسىنداعى بىرقاتار وڭ ۇردىستەر جايىندا ايتتى. ەرلان تۇرعىمباەۆتىڭ ايتۋىنشا, بيىل قىلمىس دەڭگەيى 13 پايىزعا قىسقارعان, توناۋ, ۇرلىق جانە بۇزاقىلىق 37 پايىزعا از تىركەلگەن. قوعامدىق ورىندار مەن كوشەلەردەگى قاۋىپسىزدىك دەڭگەيى ارتقان.
قاسىم-جومارت توقاەۆقا ەسىرتكى قىلمىسىنا قارسى كۇرەس تۋرالى باياندالدى. ىشكى ىستەر ءمينيسترىنىڭ مالىمەتتەرىنە سايكەس, ءبىرىنشى توقساندا پوليتسەيلەر 860 ەسىرتكى قىلمىسىن انىقتاپ, سينتەتيكالىق زاتتار جاسايتىن 8 زەرتحانانى جويعان, 1 توننادان استام ەسىرتكى تاركىلەگەن.
مينيستر پرەزيدەنت تاپسىرمالارىنىڭ ورىندالۋ بارىسى تۋرالى, ونىڭ ىشىندە, «قول جەتىمدى پوليتسيا» قاعيداتىن قامتاماسىز ەتۋ جانە ۋچاسكەلىك ينسپەكتورلار قىزمەتىن رەفورمالاۋ جايىندا اقپارات بەردى.
ەرلان تۇرعىمباەۆ ايەلدەر مەن بالالاردى زورلىق-زومبىلىقتان قورعاۋ جونىندەگى بولىمشەلەردىڭ شتات سانىنىڭ ءتيىستى نورمالارعا جەتكىزىلگەنى, ايەلدەر مەن بالالارعا قاتىستى قىلمىستىق ىستەردى جۇرگىزۋ بويىنشا تەرگەۋشى ايەلدەردىڭ ماماندانۋىن كەزەڭ-كەزەڭىمەن ەنگىزۋ تۋرالى باياندادى.
كەزدەسۋ قورىتىندىسى بويىنشا مەملەكەت باسشىسى ىشكى ىستەر ورگاندارىن تسيفرلاندىرۋ, جول اپاتتارىنىڭ الدىن الۋ جۇمىستارىن جانداندىرۋدى تاپسىردى. پرەزيدەنت جەكە قۇرام مەن ۆەدومستۆونىڭ اقپاراتتىق ساياساتىنىڭ جۇمىسىن جەتىلدىرۋ قاجەت ەكەنىنە نازار اۋداردى.
