ۇلتتىق ەكونوميكا ءمينيسترى اسەت ەرعاليەۆ 2021 جىلدىڭ ءى توقسانىندا نەگىزگى كاپيتالعا سالىنعان ينۆەستيتسيالار كولەمى 9,6%-عا قىسقارعانىن ايتتى. تاۋ-كەن ءوندىرىسى ونەركاسىبىن ەسەپكە الماعاندا, نەگىزگى كاپيتالعا سالىنعان ينۆەستيتسيالار كولەمى 34% دەڭگەيىندە ءوسىم كورسەتتى.
نەگىزگى كاپيتالعا سالىنعان ينۆەستيتسيالار بويىنشا وڭ ءوسىم قارقىنىنا 15 وڭىردە جانە رەسپۋبليكالىق ماڭىزى بار قالالاردا قول جەتكىزىلدى. كوش باستاۋشى وڭىرلەر – تۇركىستان (67,4%), جامبىل (32,9%), قوستاناي (23,3%), قاراعاندى (22,8%), سولتۇستىك قازاقستان (20,6%) وبلىستارى, سونداي-اق شىمكەنت (45,8%) جانە الماتى (34,5%) قالالارى بولدى. باتىس قازاقستان (-48,7%) جانە اتىراۋ (-39,8%) وبلىستارىندا ارتتا قالۋشىلىق بايقالادى.
«Kazakh Invest» ۇك» اق باسقارما توراعاسى مەيىرجان يۋسۋپوۆ اوك, فارماتسەۆتيكا, حيميا جانە مەتاللۋرگيا ونەركاسىبى سەكىلدى سالالاردا 4,2 ملرد دوللاردان استام سوماعا پىسىقتاۋ دەڭگەيى جوعارى 12 جوبانى دايىنداۋ بارىسى تۋرالى باياندادى.
2021 جىلدان باستاپ 2025 جىلعا دەيىنگى كەزەڭدە جالپى ينۆەستيتسيا سوماسى 45,5 ترلن تەڭگە (100 ملرد دوللار) بولاتىن 2500-دەن استام جوبانى ىسكە اسىرۋ كوزدەلگەن. اتالعان جوبالاردى ىسكە اسىرۋ 2025 جىلعا قاراي نەگىزگى كاپيتالعا سالىناتىن ينۆەستيتسيالار بويىنشا ءىجو 30% دەڭگەيىندە نىسانالى ينديكاتورعا قول جەتكىزۋگە مۇمكىندىك بەرەدى.
ينۆەستيتسيالار تارتۋ جۇمىستارى تۋرالى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, تۇركىستان وبلىسىنىڭ اكىمى ومىرزاق شوكەەۆ جانە سولتۇستىك قازاقستان وبلىسىنىڭ اكىمى قۇمار اقساقالوۆ باياندادى.
تسيفرلى دامۋ, يننوۆاتسيالار جانە اەروعارىش ونەركاسىبى ءمينيسترى ب.مۋسين 2021-2025 جىلدارعا ءتسدياوم بايلانىس جانە تەلەكوممۋنيكاتسيا, تسيفرلى ماينينگتى دامىتۋ, اەروعارىش ونەركاسىبى, ءىT-سالاسى, ەلەكتروندى ونەركاسىپ سالالارىندا جالپى سوماسى 1,5 ترلن تەڭگە بولاتىن 170 جوبانى ىسكە اسىرۋدى ماقسات ەتىپ وتىرعانىن اتاپ ءوتتى. بيىل 265 ملرد تەڭگە سوماسىنا 64 جوبانى ىسكە اسىرۋ جوسپارلانىپ وتىر.
تۇركىستان وبلىسىنىڭ اكىمى ءو.شوكەەۆ 2021-2025 جىلدارعا اكىمدىك اوك, جاڭارتىلاتىن ەنەرگەتيكا, تۋريزم, حيميا ونەركاسىبى جانە ت.ب. سالالاردا 27 مىڭ جۇمىس ورنىن قۇرا وتىرىپ, جالپى سوماسى 2,6 ترلن تەڭگە بولاتىن 181 ينۆەستيتسيالىق جوبادان تۇراتىن پۋل قۇرعانىن باياندادى. بيىل 256 ملرد تەڭگە سوماسىنا 81 جوبانى ىسكە اسىرۋ كوزدەلگەن.
سولتۇستىك قازاقستان وبلىسىنىڭ اكىمى ق.اقساقالوۆ الداعى 5 جىلدا اكىمدىك اوك, ماشينا جاساۋ, تسيفرلاندىرۋ, فارماتسەۆتيكا, دەنساۋلىق ساقتاۋ, تمك جانە ت.ب. سالالاردا 1,5 ترلن تەڭگە سوماسىنا 66 جوبادان تۇراتىن پۋل قۇرعانىن اتاپ ءوتتى.
«ىشكى جانە سىرتقى ينۆەستيتسيالاردى تارتۋ جۇمىسىن بارلىق مەملەكەتتىك ورگاندار, وڭىرلەردىڭ اكىمدىكتەرى مەن كۆازيمەملەكەتتىك سەكتور سۋبەكتىلەرى جۇيەلى نەگىزدە جۇرگىزۋى ءتيىس», دەدى ا.مامين.
