ايماقتار • 16 ءساۋىر، 2021

پاۆلوداردا 16-شى قاباتتان سەكىرمەك بولعان ەر ادام ءولىم اۋزىنان قالدى

982 رەت كورسەتىلدى

پاۆلودار قالاسىندا پوليتسيا قىزمەتكەرى ەر ادامدى رايىنان قايتارۋ ءۇشىن ءبىر ساعات بويى كەلىسسوز جۇرگىزدى، دەپ حابارلايدى Egemen.kz

وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتى بويىنشا ەر ادام نازارباەۆ داڭعىلى، 50-ءشى ءۇيدىڭ 16-شى قاباتتاعى بالكونىنان سەكىرىپ كەتپەك بولعانى تۋرالى قوڭىراۋ تۇسكەن. شاقىرۋعا پوليتسيا، شۇعىل قىزمەتتەر شىقتى. پاۆلودارلىق تۇرعىن ماس كۇيىندە ايەلىمەن ۇرىسىپ، وزىنە-ءوزى قول جۇمساماق بولعان. وقيعا ورنىنا كەلگەن پوليتسەيلەر 16-شى قاباتقا كوتەرىلدى.

«پاۆلودار پب ورتالىق پوليتسيا ءبولىمىنىڭ جەدەل ۋاكىلى اسحات مارالباەۆ ەر ادامدى تىنىشتاندىرۋ ءۇشىن اڭگىمەگە تارتىپ، بۇل ويىنان قايتارۋعا تىرىستى. پوليتسەي ونىمەن ءبىر ساعاتتان استام ۋاقىت كەلىسسوزدەر جۇرگىزدى. سول ۋاقىت ىشىندە  ءتارتىپ ساقشىسى وعان جاقىنداپ، بىردەن ۇستاپ الىپ، بالكوننىڭ ەرنەۋىنەن شىعاردى»، دەلىنگەن حابارلامادا.

ەر ادام مەديتسينا قىزمەتكەرلەرىنە تاپسىرىلدى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار