قازاقستان • 16 ءساۋىر، 2021

اۋە كەڭىستىگىن پايدالانۋ جانە اۆياتسيا قىزمەتى تۋرالى زاڭناماعا وزگەرىس ەنگىزىلەدى

11 رەت كورسەتىلدى

قازاقستاننىڭ اۆياتسيالىق اكىمشىلىگى ازاماتتىق اۆياتسيا كوميتەتىمەن بىرلەسىپ قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى زاڭناماعا، ونىڭ ىشىندە پيلوتسىز ۇشۋ اپپاراتتارى مەن پيلوتسىز اۋە جۇيەلەر ماسەلەلەرى بويىنشا وزگەرىستەر ەنگىزۋ ماقساتىندا جۇمىس جۇرگىزۋدە.

ۇسىنىلىپ وتىرعان تۇزەتۋلەر قر اۋە كەڭىستىگىندە پيلوتسىز ۇشۋ اپپاراتتارىن پايدالانۋ قاعيدالارىن پيلوتسىز اۋە جۇيەلەردى (بۇدان ءارى – ءپاج) جوبالاۋعا جانە دايىنداۋعا قويىلاتىن تالاپتاردى قوسىمشا بەلگىلەۋ ماقساتىندا قر اۋە كەڭىستىگىندە پيلوتسىز اۋە جۇيەلەردى پايدالانۋ قاعيدالارىنا اۋىستىرۋ جوسپارلانۋدا. سونداي-اق، قۇرىلىمى، ءوندىرىسى جانە تەحنيكالىق قىزمەت كورسەتۋى سەرتيفيكاتتالاتىن ءپاج تيپتەرى، بەلگىلەنگەن ساناتتاعى پيلوتسىز اۋە كەمەلەرىنىڭ ۇشۋ ساقتاۋعا قويىلاتىن تالاپتاردى، پايدالانىلاتىن جيىلىك دياپازونى، بەرىلەتىن اقپارات قۇرامى بولىگىندە قاشىقتىقتان سايكەستەندىرۋ جۇيەلەرىنە قويىلاتىن تالاپتاردى، سونداي-اق وسى جۇيە ورناتۋعا مىندەتتى پيلوتسىز ۇشۋ اپپاراتتارىنىڭ ساناتتارىن، ماكسيمالدى ۇشۋ سالماعى 30 كگ جوعارى وپەراتورلار ءۇشىن ۇشۋ قاۋىپسىزدىگىن باسقارۋ جۇيەسىنە قويىلاتىن تالاپتاردى ەنگىزۋ انىقتالادى. سونىمەن قاتار، ۇشقىشسىز اۋە كەمەسىن سەرتيفيكاتتاۋعا قوسىمشا وپەراتوردى سەرتيفيكاتتاۋ جانە سىرتقى ۇشقىشتاردى ليتسەنزيالاۋ بولىگىندە ءداستۇرلى باسقارىلاتىن اۋە كەمەلەرى ءۇشىن تالاپتاردى بەلگىلەي وتىرىپ، «سەرتيفيكاتتالعان» ساناتتاعى وپەراتسيالاردىڭ جاڭا ساناتىن ەنگىزۋ جوسپارلانۋدا، سونداي-اق ءپايدالانۋشى/پاج وپەراتورىنىڭ سەرتيفيكاتىن بەرۋگە قويىلاتىن تالاپتار (سالماعى، ورىندالاتىن جۇمىستار نەمەسە ۇشۋ ءتيپى بويىنشا پايدالانۋشى سەرتيفيكاتىنىڭ انالوگى) ايقىندالدى.  

بۇدان باسقا، زاڭعا تۇزەتۋلەر قابىلداۋ قازاقستان رەسپۋبليكاسىنىڭ اۋە كەڭىستىگىن پايدالانۋ قاعيدالارىنا، اتاپ ايتقاندا پيلوتسىز اۋە كەمەلەرىنىڭ ۇشۋىن شەكتەۋ ايماقتارىن، سونداي-اق وسى ايماقتار ءۇشىن پايدالانۋ جاعدايلارىن ازىرلەۋ، كەلىسۋ جانە بەلگىلەۋ تارتىبىنە وزگەرىستەر ەنگىزۋدى تالاپ ەتەدى.

زاڭنامالىق تۇزەتۋلەردى ەنگىزۋ ماكسيمالدى ۇشۋ سالماعى 30 كگ-نان اساتىن پيلوتسىز اۋە كەمەلەرىن پاك مەملەكەتتىك تىزىلىمىندە تىركەۋ جانە ەسەپكە قويۋ تۋرالى كۋالىكتى بەرۋسىز ەسەپكە الۋ جانە حابارلاما نەگىزىنە اۋىستىرۋ ءتارتىبىن وزگەرتە وتىرىپ، ماكسيمالدى ۇشۋ سالماعى 30 كگ جانە ودان كەم بولاتىن پيلوتسىز اۋە كەمەلەرىن تىركەۋ بولىگىندە وزگەرىستەر ەنگىزۋدى تالاپ ەتەدى. ۇسىنىلاتىن جاڭالىقتار وزىق ەلدەردىڭ تاجىريبەسىن، سونداي-اق يكاو ۇسىنىمدارىن ەسكەرە وتىرىپ ازىرلەندى.

زاڭعا تۇزەتۋلەردى قابىلداۋ اعىمداعى جىلدىڭ سوڭىنا دەيىن ءۇش اي ىشىندە نورماتيۆتىك قۇقىقتىق اكتىلەرگە ەنگىزىلۋىمەن جوسپارلانعان.

اعىمداعى جىلدىڭ قاڭتار ايىندا قازاقستان رەسپۋبليكاسىنىڭ اۋە كەڭىستىگىندە پيلوتسىز ۇشۋ اپپاراتتارىن پايدالانۋ قاعيدالارى بەكىتىلگەن بولاتىن. پيلوتسىز ۇشاقتاردى پايدالانۋ مەملەكەتتىك اۆياتسيا سالاسىنداعى ۋاكىلەتتى ورگاندا تىركەلەتىن پيلوتسىز ۇشۋ اپپاراتتارىن قوسپاعاندا، ازاماتتىق اۆياتسيا سالاسىنداعى ۋاكىلەتتى ۇيىمدا تىركەلگەننەن كەيىن جۇزەگە اسىرىلادى.  

قازاقستاننىڭ اۆياتسيالىق اكىمشىلىگى پيلوتسىز ۇشاقتاردى ەسەپكە الۋدى قازاقستان رەسپۋبليكاسىنىڭ ازاماتتىق اۋە كەمەلەرىن جانە ولارعا قۇقىقتاردى مەملەكەتتىك تىركەۋ قاعيدالارىنا سايكەس جۇرگىزەدى. ماكسيمالدى ۇشۋ سالماعى 1،5 كگ-نان اساتىن پيلوتسىز ۇشۋ اپپاراتتارى، سونداي-اق ماكسيمالدى ۇشۋ سالماعى 0،25 كگ-نان جوعارى «ەرەكشە» ساناتتاعى وپەراتسيالاردى ورىندايتىن پيلوتسىز ۇشۋ اپپاراتتارى تىركەۋگە جاتادى.

بۇگىنگى كۇنى قازاقستاندا 279 پيلوتسىز ۇشۋ اپپاراتتارى تىركەلگەن.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار