قوعام • 16 ءساۋىر، 2021

اقمولالىق ازاماتتاردىڭ اق نيەتى

4 رەت كورسەتىلدى

ەل ىشىندەگى ەرىكتىلەردىڭ جاناشىرلىق باعىتىنداعى ەرەن قيمىلى، بەكەم بىرلىگى سۇيسىنەرلىكتەي. اسىرەسە جامان ىندەت جايلاعالى تۋىنداعان قات-قابات قيىندىقتى بىلەك بىرىكتىرە كوتەرىپ، اۋىرتپالىقتى بىرلەسە اتقارۋلارى ومىرشەڭ ونەگە.

وزگەگە ۇلگى بولارلىق جاقسىلىق شاراپاتتى تسەلينوگراد اۋدانىنىڭ اق نيەتتى ازاماتتارىنىڭ يماندى ءىس-قيمىلىنان كوبىرەك كورۋگە بولادى. بۇعان دەيىن دە «تۋعان جەر» باعدارلاماسى اياسىندا جەرگىلىكتى كاسىپورىن باسشىلارى باس قوسىپ، ءوڭىردىڭ الەۋمەتتىك-ەكونوميكالىق سالاسىن دامىتۋ، قىسىلىپ-قينالعانعا كومەك كورسەتۋ، جالپىنىڭ سۇرانىسىن وتەيتىن الەۋمەتتىك باعدارلامالاردى جۇزەگە اسىرۋ باعىتىندا قىرۋار ءىس تىندىردى.

حالىقتان قاراجاتىن ايامايتىن اتىمتاي جومارتتاردىڭ قاتارىنان يۆان ساۋەر، مارس يتپاەۆ، تيمۋر پشەنوۆ، ايتقوجا بايجانوۆ، قانات تەمىروۆتى اتاي كەتۋگە بولادى. ولار اۋداندىق ەمحاناعا ارنايى مەديتسينالىق 5 كولىك ساتىپ الىپ بەردى. جەكە كاسىپكەر قۋانىشبەك احمەدين تاستى اۋىلىنداعى دارىگەرلىك امبۋلاتوريا مەن كلۋب عيماراتتارىن سىيعا تارتتى. ەل دەسە ەت جۇرەگى ەلجىرەپ تۇراتىن تيمۋر پشەنوۆ، ايدوس نۇراقىشەۆ، باۋىرجان ابدىحالىقوۆ، ساعادات اشەبەكوۆتەر شالعاي اۋىلدارداعى دارىگەرلىك امبۋلاتوريالاردى كۇردەلى جوندەۋدەن وتكىزۋ ءۇشىن 27،5 ملن تەڭگە قاراجات ءبولدى. بۇل اۋدانداعى قايىرىمدى ىستەردىڭ ءبىر پاراسى عانا.

داۋاسىز دەرتتىڭ ءدۇمپۋى ەستىلگەلى «جاقى­نىڭا ءومىر سىيلا» قايىرىمدىلىق اكتسياسىن شىن نيەتىمەن قولداپ، جاناشىرلىق جاساعان ەر كوڭىلدى ازاماتتار قانشاما؟! ولار اكتسيا اياسىندا مەديتسينالىق جابدىقتار، ءدارى-دار­مەكتەر مەن جەكە قورعانىس قۇرالدارىن سا­تىپ الۋعا 22 ملن تەڭگە قاراجات جينادى. قاريالار مەن جالعىزىلىكتى جاندارعا، الەۋ­­مەتتىك جاعىنان از قامتاماسىز ەتىلگەن وتبا­سى­­لارىنا ازىق-ت ۇلىك سەبەتتەرىن تاراتتى. قان­شاما جاندى جان جىلۋىمەن جىلى­تىپ، ءۇمىت وتىن لاۋلاتۋعا، ەل ىشىندەگى بىرلىك­تى نى­عاي­تۋعا سوزبەن ەمەس، ناقتى ىسپەن اتسالىستى.

بۇلاندى اۋدانىندا دا ەرىكتىلەر جىلى ەداۋىر ءىس تىندىرىلدى. الدىمەن، اۋداندىق جاستار رەسۋرستىق ورتالىعىنىڭ جانىنان مەrsi ەرىكتىلەر توبى قۇرىلىپ، ءبىر جىل­دىڭ ىشىندە اتقاراتىن جۇمىس كولەمىن ەكشەپ، جوسپار جاسادى. وسى جوسپارعا سايكەس، «ارداگەرلەردى ارداقتايىق» جوباسى اياسىندا ەلۋدەن استام جالعىز تۇراتىن، الەۋ­مەت­تىك كومەككە ءزارۋ ادامدارعا كاران­تين كەزىندە ازىق-ت ۇلىكتەرىن، سوزىلمالى سىرقاتى بارلارعا ءدارى-دارمەگىن جەتكىزىپ بەرۋدى ءوز مويىن­دارىنا الدى. 44 الەۋمەتتىك جاعىنان از قام­تىلعان وتباسىلارعا ماتەريالدىق كومەك كورسەتىلدى. تىل ەڭبەككەرلەرى دە نازار­دان تىس قالعان جوق. ەرىكتىلەر «تازا الەم» اكتسياسى اياسىندا بىرنەشە مارتە ەكولو­گي­يال­ىق سەنبىلىكتەر ۇيىمداستىردى. اۋدان­داعى ەلدى مەكەندەر اباتتاندىرىلىپ، كوركەيىپ قالدى.

ناۋرىز ايىندا دەرتتىڭ قايتادان باس كوتەرۋىنە بايلانىستى بۇرىنعى جۇمىس جان­دانۋ ۇستىندە. بۇل جولى ەل قامىن وي­لاعان ەرىك­تىلەر اۋدان تۇرعىندارىمەن مۇم­كىن­دى­گىن­شە قويان-قولتىق جۇمىس ىستەپ، دەرتتىڭ ال­دىن الۋعا سەپتىگىن تيگىزەتىن 5 مىڭعا تاياۋ اق­­پاراتتىق پاراقشا تاراتتى. سونداي-اق جەكە قورعانىس قۇرالدارىمەن دە قامتاماسىز ەتتى. اۋداندىق اۋرۋحاناعا تىركەلگەن زەينەتكەرلەر مەن مۇمكىندىگى شەكتەۋلى ادامدارعا ءدارى-دارمەكتەرىن جەتكىزىپ بەرۋدە. جاستار رەسۋرستىق ورتالىعىنىڭ ەرىكتىلەرى ەل ىشىن­دەگى جامان ىندەتتىڭ الدىن الۋعا باعىت­تالعان بەينەماتەريالدار ءتۇسىرىپ تاراتتى.

دەرت قايتادان باس كوتەرگەن كەزدە مەدي­تسي­نا قىزمەتكەرلەرى جان اياماي جۇمىس ىستەۋ­دە. ەرىكتىلەر اۋرۋحانا قىزمەتكەرلەرىنە جۇ­­رەك جالعاۋ ءۇشىن ازىق-ت ۇلىك جەتكىزىپ بە­رىپ وتىرادى. ء«بىز بىرگەمىز!» اكتسياسى شەڭ­بە­رىن­دە اتقارىلعان جۇمىس ەل ىشىن­دەگى بىر­لىك­تى نىعايتا ءتۇستى. ەڭ باستىسى، قولى قىسقا، قام­قورلىققا ءزارۋ ادامدار قيىن­دىق­­پەن بەتپە-بەت كەلگەن ۋاقىتتا جالعىز ەمەس­تىگىن، قول­داۋ­شىسى قاشاندا جانىنان تابىلا­تىن­دى­عىن سەزىندى. بالكىم، ەڭ باستىسى دا وسى شىعار.

ەرىكتىلەر قوزعالىسىنىڭ جۇمىسى قازىر ەل اۋزىندا. اقساقالدار باتالارىن بەرىپ، العىس­تارىن ايتىپ وتىر. ماكينسك قالاسىن­دا ءاربىر جۇما كۇنى مۇقتاج جاندارعا قاجەت­تى تۇرمىستىق زاتتار جينالادى. وسى ءبىر يمان­دى شارۋاعا قالا تۇرعىندارى بەلسەن­دى قاتى­سۋدا. ولار وزدەرىنە قاجەتى جوق، تۇتى­نۋ­عا اب­دەن جارايتىن تۇرمىستىق قۇرال­دار­دى، جا­عا­سى ءبۇتىن كيىم-كەشەكتەردى وسى جەرگە اكە­لىپ تاپسىرادى. ءبىر ارنادا توعىس­قان بىر­لىك­تىڭ ناتيجەسىندە 7 030 000 تەڭگە قارا­جات جي­نالدى. ەڭ باستىسى، ەلدىڭ ىقىلاسى ەمەس پە؟!.  

 

اقمولا وبلىسى

 

سوڭعى جاڭالىقتار

ارداگەرلەر ازايىپ بارا جاتىر...

قازاقستان • بۇگىن، 19:00

مەرەكە كۇندەر جاڭبىرلى بولادى

اۋا رايى • بۇگىن، 16:00

فۋتبول: «چەلسي» فينالعا شىقتى

فۋتبول • بۇگىن، 15:01

اممانعا اتتاندى

سپورت • بۇگىن، 14:10

قازاندا كۇش سىناسۋدا

سپورت • بۇگىن، 13:40

شەت ەلدەگى قازاق گەنەرالدارى

قازاقستان • بۇگىن، 11:54

قادىر ءتۇنىنىڭ قاسيەتى

رۋحانيات • بۇگىن، 08:10

ەرلىك پەن پاتريوتيزم مەكتەبى

قازاقستان • بۇگىن، 08:06

قارۋلى كۇشتەرىمىز وسىلاي قۇرىلعان

قازاقستان • بۇگىن، 08:05

ۇقساس جاڭالىقتار