ايماقتار • 15 ءساۋىر، 2021

بەنزين جوق: ورالدا جانارماي قۇيۋ بەكەتتەرى جابىلىپ جاتىر

50 رەت كورسەتىلدى

باتىس قازاقستان وبلىسىندا جانارماي داعدارىسى ءالى رەتتەلگەن جوق. بۇگىندە وڭىردەگى جەكەلەگەن ماي قۇيۋ بەكەتتەرى بەنزين ساتۋدى مۇلدەم توقتاتقان. ال وبلىستىڭ شالعاي اۋداندارىندا اي-92 ماركالى بەنزيننىڭ باعاسى 200 تەڭگەگە جەتتى، دەپ حابارلايدى Egemen.kz «استانا» ارناسىنا سىلتەمە جاساپ.

قازىر قالادا جۇمىسىن توقتاتقان جانارماي بەكەتتەرىنىڭ سانى كوبەيگەن. بەنزيندى ءىرى ستانسالار عانا ساتىپ جاتىر. ساتۋشىلار ازايعان سوڭ، باعا دا قىمباتتاعان. اي-92 ماركالى بەنزيننىڭ ءليترى 160-175 تەڭگە ارالىعىندا. ال وبلىستىڭ شالعاي اۋداندارىندا ءليترى 200 تەڭگەگە ءبىر-اق جەتكەن.

«بەنزينننىڭ قىمباتتاعانى ەشتەمە ەمەس، كەيبىر زاپراۆكالاردا جوق، «تالونمەن» دەپ سولاي جازىپ قويىپتى. ەندى قازىر كوكتەم ۋاقىتى، اۋىل شارۋاشىلىعى جۇمىستارى بار، داچالار بار. قازىر ناعىز بەنزين كەرەك كەز. ونىڭ جوق بولىپ جاتقانى، قىمباتتاتىپ جاتقانى بىرىنشىدەن حالىقتىڭ قالتاسىنا اۋىر تۇسەدى»، دەيدى ورال قالاسىنىڭ تۇرعىنى ماناربەك كۋشاليەۆ. 

ء«بىر اپتا بۇرىن قالاداعى ماي قۇيۋ بەكەتتەرىنىڭ بىرىندە باعانىڭ ءوسۋى مۇڭ ەدى، قالعاندارى دا سوعان ىلەستى. ءتىپتى بەنزين ازايىپ، تاپشى بولا باستادى. جالپى، ءبىزدىڭ ەكونوميكامىز قىزىق. مۇناي قىمباتتاسا، بەنزين دە قىمباتتايدى. بىراق مۇناي ارزانداسا، بەنزين سول قىمبات باعامەن ساتىلا بەرەدى»، دەيدى تاعى ءبىر تۇرعىن.

وڭىرگە قاجەتتى جانارماي وسىعان دەيىن كورشىلەس اتىراۋ مەن رەسەيدەن جەتكىزىلەتىن. كورشى وبلىستاعى زاۋىت جوندەۋ جۇمىستارىنا جابىلعاسىن، بەنزيننىڭ ازايعانىن جەرگىلىكتى شەنەۋنىكتەر دە مويىندايدى.

«ەنەرگەتيكا مينيسترلىگىنىڭ حابارلاۋى بويىنشا، اتىراۋداعى زاۋىت 24-ساۋىردە جۇمىستارىن بىتىرەدى ەكەن. قازىرگى ۋاقىتتا شىمكەنت زاۋىتىنان اكەلىنۋدە. بۇل ەندى ءوزىنارا باعانىڭ قىمباتسۋىنا اكەلىنىپ وتىر. قالادا جابىلعان جانارماي بەكەتتەرى  بار، اۋىلدا دا جابىلىپ جاتقاندار بار»، دەيدى بقو تۇكش باسقارماسى باسشىسىنىڭ ورىنباسارى بەيىمبەت مۋسين. 

سالا وكىلدەرى اتىراۋداعى مۇناي وڭدەۋ زاۋىتى ىسكە قوسىلعاسىن، جاعداي رەتتەلەر دەگەن ۇمىتتە. بىراق بەنزين تاسىمالى قايتادان جولعا قويىلعانشا دا ءبىراز ۋاقىت قاجەت. ءارى باعانىڭ قالاي قۇبىلارىن ەشقايسىسى تاپ باسىپ ايتا الار ەمەس.

سوڭعى جاڭالىقتار

بالۋان شولاقتىڭ دومبىراسى

ونەر • بۇگىن، 09:00

جازعا سالەم جولدايىق

ونەر • بۇگىن، 08:55

جىلقىشى اۋىلدىڭ جاقسىلىعى

ايماقتار • بۇگىن، 08:54

قانمەن جازىلعان كارتينالار

تاريح • بۇگىن، 08:45

ستۋدەنتتەردىڭ ءسوز سايىسى

ونەر • بۇگىن، 08:41

وڭتايلى ونلاين اۋكتسيون

تەحنولوگيا • بۇگىن، 08:35

قولدى بولىپ جاتقان قاراۋسىز مال

ايماقتار • بۇگىن، 08:30

براكونەرگە بۇعاۋ بولماي ما؟

ايماقتار • بۇگىن، 08:28

2021 جىل – قالپىنا كەلۋ كەزەڭى

كوروناۆيرۋس • بۇگىن، 08:25

كيىك كۇيىك پە؟

ەكولوگيا • بۇگىن، 08:18

قاۋىپتىڭ بەتىن ۆاكتسينا قايتارادى

مەديتسينا • بۇگىن، 08:15

«وسىعان دەيىن نەگە بىرىكپەدى؟»

مەديتسينا • بۇگىن، 08:13

قورقىنىشتى سەيىلتۋ قۇرالى

مەديتسينا • بۇگىن، 08:11

ءۇي سالعانعا – ۇلكەن كومەك

قوعام • بۇگىن، 08:05

بارتيمەن شەبەرلىك بايقاستى

تەننيس • بۇگىن، 08:05

«جىگىتتەر بار نارقاسقا...»

سپورت • بۇگىن، 07:59

ەكونوميكا دامۋ جولاعىنا شىقتى

ەكونوميكا • بۇگىن، 07:58

ۇقساس جاڭالىقتار