الەم • 15 ءساۋىر، 2021

لا-سۋفريەر جانارتاۋى وياندى

9 رەت كورسەتىلدى

كاريب تەڭىزىندەگى سەنت-ۆينسەت ارالىندا لا-سۋفريەر جانارتاۋى وياندى. قيىندىققا تاپ بولعانداردى ەۆاكۋاتسيالاۋعا ايماقتاعى كرۋيز كەمەلەرى جۇمىلدىرىلدى.

 

لا-سۋفريەر جانارتاۋىنا جاقىن ماڭداعى قاۋىپتى ايماقتان 16 مىڭعا جۋىق حالىق ەۆاكۋاتسيالانباق. ولاردى كاريب تەڭىزىندەگى سەنت-ليۋسيا، گرەنادا، باربادوس جانە انتيگۋا كورشىلەس ارالدارىنا ورنالاستىرۋ جوسپارلانعان. ايتسە دە، كەي ارالدىڭ اكىمشىلىگى كوروناۆيرۋسقا قارسى ۆاكتسينا العانداردى عانا كىرگىزەتىنىن ايتىپ وتىر.

قۇتقارىلعان ادامدار كرۋيز لاينەرىنە وتىرماس بۇرىن ۆاكتسينا الۋى ءتيىس. سەنت-ۆينسەنت ارالىنداعى جانارتاۋ 9 ءساۋىر كۇنى اتقىلاي باستادى. بۇل سوڭعى 40 جىلدا ءبىرىنشى رەت بولىپ وتىر.

دۇلەي اپات سالدارىنان ارال كۇلگە ورانىپ، كوپتەگەن ءۇي ەلەكتر جارىعىنسىز جانە سۋسىز قالدى. عالىمدار جانارتاۋدىڭ اتقىلاۋى ءالى بىرنەشە كۇنگە نەمەسە اپتاعا سوزىلۋى مۇمكىن ەكەنىن ايتادى.

 

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار