قازاقستان, تۇركمەنستان, وزبەكستان, قىرعىزستان, تۇركيا, اجەربايجان, ۆەنگريا سەكىلدى مەملەكەتتەردىڭ فۋتبول فەدەراتسيالارىنىڭ باسقوسۋىندا قفف اتىنان باس حاتشى ازامات ايتقوجين ءسوز سويلەدى.
«قازاقستان فۋتبول فەدەراتسياسى 7 قاۋىمداستىقتى بىرىكتىرىپ وتىرعان باۋىرلاس ەلدەر جيىنىنا قاتىسۋدى زور ابىروي سانايدى. تۇركىتىلدەس ەلدەردىڭ فۋتبولىنىڭ بىرىگۋى قۇپتارلىق ءىس. قازاقستان تاراپى ورتاق جوباعا اتسالىسۋدان باس تارتپايدى. ەندىگى جيىندى تۇركى دۇنيەسىنىڭ استاناسى تۇركىستان قالاسىندا وتكىزۋدى ۇسىنامىن», دەدى قفف باس حاتشىسى.
سونىمەن قاتار, جيىن بارىسىندا اتالعان مەملەكەتتەر قۇرامالارىنىڭ ءبىر-بىرىمەن جولداستىق ماتچتار وتكىزىپ, ءتۇرلى جارىستار ۇيىمداستىرۋ ماسەلەلەرى دە تالقىلاندى. بۇقارالىق فۋتبول مەن بالالار جانە جاسوسپىرىمدەر اراسىنداعى ورتاق تۋرنير وتكىزۋ جايى دا تىلگە تيەك ەتىلدى.
