ايماقتار • 14 ءساۋىر، 2021

شقو-دا جول قىزمەتىنىڭ 80 باسشىسى اكىمشىلىك جاۋاپكەرشىلىككە تارتىلدى

19 رەت كورسەتىلدى

شىعىس قازاقستان وبلىسىنىڭ پوليتسيا دەپارتامەنتى قىزمەتكەرلەرى جول قوزعالىسى قاۋىپسىزدىگىن ۇنەمى نازاردا ۇستايدى، دەپ حابارلايدى Egemen.kz.

جىل باسىنان بەرى جول قاداعالاۋ ماماندارى 450-دەن استام تەكسەرۋ جۇرگىزگەن. ناتيجەسىندە 80 جول قىزمەتىنىڭ باسشىلارى مەن تەمىرجول وتكەلدەرىنىڭ 11 يەسى اكىمشىلىك جاۋاپكەرشىلىككە تارتىلدى. سالىنعان ايىپپۇل سوماسى 2 ملن 600 مىڭ تەڭگەنى قۇرادى. بۇل رەتتە ءۇش لاۋازىمدى تۇلعاعا 131 265 تەڭگە كولەمىندە اكىمشىلىك ايىپپۇل سالىندى.

پوليتسەيلەردىڭ ايتۋىنشا، كولىك اعىنى كوبەيگەن زاماندا تەك اكىمشىلىك شارالارمەن جول قاۋىپسىزدىگىن ساقتاۋ مۇمكىن ەمەس. ول ءۇشىن جول-كولىك ينفراقۇرىلىمىن جاقسارتۋ جانە جول قوزعالىسىن ۇيىمداستىرۋ دەڭگەيىن ارتتىرۋ قاجەت.

ايتا كەتەيىك، جەرگىلىكتى اتقارۋشى ورگانداردىڭ قولداۋىمەن شقو پد ۇسىنىستارىنىڭ ارقاسىندا وسكەمەندە ەكى جەرۇستى وتكەلى بوي كوتەردى. سونىمەن قاتار سولعا بۇرىلۋدى جەڭىلدەتۋ ءۇشىن 19 باعدارشامعا قوسىمشا بەلگى ورناتىلدى. وقۋ ورىندارىنىڭ ماڭىندا اق-سارى ءتۇستى گاممادا جول تاڭبالارى سالىندى.

– وبلىس بويىنشا رەسپۋبليكالىق ماڭىزى بار اۆتوموبيل جولدارىن جاڭعىرتۋ ءجۇرىپ جاتىر. اتاپ ايتساق الماتى – وسكەمەن جانە ومبى – مايقاپشاعاي. وسى تۇستاردا دا اپاتتىڭ الدىن الۋ ءۇشىن ءىس-شارالاردىڭ ۇلكەن كەشەنى كوزدەلگەن، – دەپ ءتۇسىندىردى شقو پد اكىمشىلىك پوليتسيا باسقارماسىنىڭ باستىعى ەرنار بازاروۆ.

جول قوزعالىسىن ۇيىمداستىرۋدى جاقسارتۋ ءۇشىن وسىنداي جۇمىستار بيىل دا جۇرگىزىلەدى. ماسەلەن، سەمەيدە جاڭا مەشىت اۋدانىندا ەكى جەرۇستى وتكەلى سالىنادى. قالا ىشىندەگى جولدار وزگەرەدى.  4 000-نان استام جول بەلگىسى اۋىستىرىلادى.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار