ايماقتار • 14 ءساۋىر، 2021

قىزىلوردادا كارانتيندى بۇزعاندارعا 11 ملن تەڭگە ايىپپۇل سالىندى

25 رەت كورسەتىلدى

قىزىلوردادا كارانتين تالابىن بۇزۋ دەرەگى ءجيى تىركەلگەن، دەپ حابارلايدى Egemen.kz

وڭىردە كارانتيندىك شەكتەۋ شارالارى بەلگىلەنگەن. دەگەنمەن اتالعان تالاپ تۇرعىندار تاراپىنان تولىقتاي ورىندالا بەرمەيدى. كارانتين تالاپتارىنىڭ ساقتالۋى مونيتورينگتىك توپتاردىڭ تۇراقتى باقىلاۋىندا. جىل باسىنان بەرى 45 مونيتورينگتىك توپتىڭ رەيدتىك تەكسەرىسى ارقىلى 1904 نىسان قامتىلدى. ناتيجەسىندە 137 كارانتين تالاپتارىن بۇزۋشىلىق انىقتالعان. ولارعا جالپى سوماسى 11 576 735 تەڭگەگە اكىمشىلىك ايىپپۇل سالىندى.

انىقتالعان قۇقىق بۇزۋشىلىقتاردىڭ باسىم بولىگى قىزىلوردا قالاسىنىڭ ۇلەسىنە تيەدى، مۇندا وسىنداي 45 جاعداي بولعان. ودان كەيىنگى ورىندارداعى قارماقشىدا - 28، ارالدا - 18 كارانتين تالابىن بۇزۋ تىركەلگەن.

«كارانتين تالاپتارىنىڭ كوپشىلگى حالىققا قىزمەت كورسەتۋ ورىندارىندا بولادى. اسىرەسە، ول قوعامدىق تاماقتانۋ ورىندارىندا تىركەلۋدە. بۇگىنگى كۇنى 74 كارانتين تالابىن بۇزۋشىلىق سول نىساندارىنىڭ ۇلەسىندە. اتاپ ايتقاندا، كەيبىر ورىنداردا پەرسونال كەلۋشىلەرگە جەكە قورعانىش قۇرالىنسىز قىزمەت كورسەتكەن، كاراوكەلەر مەن كالياندار جۇمىس جاساعان. عيماراتتىڭ تولىمدىلىعى 30 پايىزدان اسپاۋى قاجەت بولسا دا، كەلۋشىلەردىڭ سانىنا شەكتەۋ قويىلماعان. قىزمەتىنە تىيىم سالىنسا دا كومپيۋتەرلىك كلۋبتار جۇمىس جاساعان. كەي نىساندار وزدەرىنىڭ اشىلۋىنا وراي تەگىن تاماق تاراتىپ، ادامداردىڭ جاپپاي جينالىپ، كارانتين تالاپتارىنىڭ ساقتالماۋىنا سەبەپشى بولعان»، دەپ ءمالىم ەتتى وبلىستىق سانيتاريالىق-ەپيدەميالىق باقىلاۋ دەپارتامەنتىنەن.

قازىر وڭىردە حالىق تاراپىنان ۇلتتىق داستۇردەگى توي-جيىنداردى تەك دەمالىس كۇندەرى ەمەس، سونىمەن قاتار جۇمىس كۇندەرى دە ءجيى ۇيىمداستىراتىنى انىقتالدى. سوندىقتان جۇمىسشى توپ جۇمىس كۇندەرى دە جەكە تۇرعىن ۇيلەر مەن مەيرامحانالارعا، جالعا بەرىلەتىن كوتتەدجدەرگە جۇرگىزىلەتىن رەيدتىك شارالاردى كۇشەيتىپ وتىر.

 

سوڭعى جاڭالىقتار

قۇبىجىق ءمۇسىن

ونەر • كەشە

كابۋلدان باستالعان كوش قازاق ەلىنە قالاي كەلدى؟

تاۋەلسىزدىكتىڭ 30 جىلدىعى • كەشە

ىندەت ءورشىپ بارادى

كوروناۆيرۋس • كەشە

التىنمەن پارا-پار تاۋەكەل

ەكونوميكا • كەشە

كوكپار تارتقان قىز

تانىم • كەشە

ۇقساس جاڭالىقتار