قوعام • 13 ءساۋىر، 2021

دەربەس دەرەكتەردى زاڭسىز تاراتقاندار جازالاندى – ءتسدياوم

18 رەت كورسەتىلدى

قازاقستاندا دەربەس دەرەكتەردى قورعاۋ سالاسىنداعى ۋاكىلەتتى ورگان وتكەن جىلى جازدا عانا بەلگىلەندى. بۇل فۋنكتسيالاردى تسيفرلىق دامۋ مينيسترلىگىنىڭ اقپاراتتىق قاۋىپسىزدىك كوميتەتى اتقارادى.

ورتالىق كوممۋنيكاتسيالار قىزمەتىندە وتكەن بريفينگ بارىسىندا اقپاراتتىق قاۋىپسىزدىك كوميتەتىنىڭ توراعاسى رۋسلان ابدىقالىقوۆ جۇرگىزىلگەن تالداۋ جۇمىستارىنىڭ قورىتىندىسىنا توقتالدى. 


ونىڭ ايتۋىنشا، ازاماتتار كوبىنەسە دەربەس دەرەكتەردى اشىق قولجەتىمدىلىكتە تاراتاتىن كوممەرتسيالىق ينتەرنەت-رەسۋرستارعا شاعىمدانادى. ياعني، ىزدەۋ جۇيەسىندە ادام ءوزىنىڭ تەگى مەن اتىن ەنگىزگەندە، جاۋاپ رەتىندە ءوزى تۋرالى مالىمەتتەر ساقتالعان سايتتارعا سىلتەمەلەر شىعادى: جسن، تۋعان كۇنى مەن جەرى، بار بولسا، سوت شەشىمدەرى كورىنەدى.


«وسىعان بايلانىستى ءبىز مەملەكەتتىك ورگاندارعا، سونداي-اق جەكە ينتەرنەت-رەسۋرستارعا قاتىستى ارتىق دەرەكتەردى جالپىعا قولجەتىمدى رەسۋرستاردا جاريالاۋدىڭ جولىن كەسۋ بويىنشا شارالار قابىلدادىق. قارجى مينيسترلىگى مەملەكەتتىك كىرىستەر كوميتەتىنىڭ «سالىق تولەۋشىنى ىزدەۋ» سەرۆيسىندە ءتاا تەرۋ كەزىندە جسن ۇسىنۋ بولىگىندە جۇمىس ىستەۋى رەتتەلگەن جانە كەرىسىنشە. قازىرگى ۋاقىتتا سەرۆيس تەك جەكە كاسىپكەرلەر مەن زاڭدى تۇلعالاردى ىزدەۋ ءۇشىن عانا قولجەتىمدى، زاڭسىز الىنعان دەربەس دەرەكتەردى تاراتاتىن ەكى جەكە مەنشىكتى ينتەرنەت-رەسۋرس اكىمشىلىك جاۋاپكەرشىلىككە تارتىلدى. 20 اەك كولەمىندە ايىپپۇل سالىندى»،  دەدى ر. ابدىحالىقوۆ.


دەربەس شەكارانى بۇزۋشىلار اراسىندا كوممۋنالدىق قىزمەتتەر، پيك، تقك جانە ميب بار. ولار بورىشكەرلەردىڭ تىزىمدەرىن كىرەبەرىستەرگە ءىلىپ، چاتتارعا تاراتادى. كوبىنەسە بۇل تىزىمدەر جەكە دەرەكتەردى قامتيدى: يەسىنىڭ اتى-ءجونى، مەكەن جايى، تەلەفوندارى.


«مۇنداي دەرەكتەردى تاراتۋ ارتىق بولىپ تابىلادى جانە ەگەر ولار زيانكەستەردىڭ قولىنا تۇسسە، ولاردى زيان كەلتىرۋ ماقساتىندا پايدالانۋعا اكەپ سوعۋى مۇمكىن. وسىلايشا، WhatsApp مەسسەندجەرىنىڭ چاتتارىندا تۇرعىنداردىڭ دەربەس دەرەكتەرىن زاڭسىز تاراتقانى ءۇشىن ەلوردالىق تۇرعىن ءۇي كەشەندەرىنىڭ 2 باسقارۋشى ۇيىمى اكىمشىلىك جاۋاپكەرشىلىككە تارتىلدى، 20 اەك كولەمىندە اكىمشىلىك جازا قولدانىلدى. ۇشىنشىدەن، قانداي دا ءبىر تاسىلمەن دەربەس دەرەكتەردى زاڭسىز تاراتقان جەكەلەگەن ادامدارعا شاعىمدار كەلىپ تۇسەدى. مىسالى، لاۋازىمدى تۇلعالار دەربەس دەرەكتەرى بار قۇجاتتاردى ءۇشىنشى تۇلعالارعا زاڭسىز بەرەدى نەمەسە قورعاۋ شارالارىن ساقتامايدى، بۇل دەربەس دەرەكتەردىڭ جايىلىپ كەتۋىنە اكەپ سوعادى. اتالعان ءىس-ارەكەتتەر ءۇشىن 100 اەك كولەمىندە 6 كوممەرتسيالىق ۇيىم جانە مەملەكەتتىك ورگاننىڭ 1 لاۋازىمدى تۇلعاسى 500 اەك مولشەرىندە جاۋاپكەرشىلىككە تارتىلدى»،  دەپ اتاپ ءوتتى سپيكەر.


بۇدان باسقا، وتىنىشتەر نەگىزىندە زاڭسىز تاراتىلعان 30-دان استام ازاماتتىڭ دەربەس دەرەكتەرى جالپىعا قولجەتىمدى اقپارات كوزدەرىنەن الىندى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار