تەحنولوگيا • 13 ءساۋىر، 2021

مەملەكەتتىك ورگان باسشىلارى ءوز ەتسق-سىن قاراۋسىز قالدىرىپ ءجۇر

16 رەت كورسەتىلدى

ەلەكتروندىق تسيفرلىق قولتاڭبا ءوز قولىمەن قويىلعان قولتاڭباعا تەڭ جانە زاڭدىق سالدارى دا بىردەي بولادى. بىزگە جەكە جانە لاۋازىمدى تۇلعالاردىڭ ولارعا تيەسىلى ەتسق-نى ءۇشىنشى تۇلعالارعا زاڭسىز بەرۋ فاكتىلەرى بويىنشا ماتەريالدار مەن شاعىمدار كوپتەپ كەلىپ تۇسەدى. ەداۋىر ءجيى كەزدەسەتىن جاعدايلار – ۇيىمداردىڭ، ونىڭ ىشىندە مەملەكەتتىك ورگانداردىڭ باسشىلارىنىڭ وزدەرىنىڭ ەتسق-سىن قاراۋسىز قالدىرۋى، جۇمىستان بوساتىلعان قىزمەتكەرلەردىڭ ەتسق-سىن كەرى قايتارماۋى، وزدەرىنىڭ ەتسق-سىن باسقا قىزمەتكەرلەرگە بەرۋى. وكق وتكەن بريفينگتە قر ءتسدياوم اقپاراتتىق قاۋىپسىزدىك كوميتەتىنىڭ توراعاسى رۋسلان ابدىقالىقوۆ «قولتاڭبانىڭ» ەلەكتروندى نۇسقاسىنىڭ ءمان-ماڭىزىن ەسكەرمەۋدىڭ نەمەسە باعالاماۋدىڭ سالدارىنان مىسالدار كەلتىرىپ ءوتتى.

زاڭسىز بەرىلگەن ەتسق كومەگىمەن سەنىمحاتتار رەسىمدەلىپ، قارجىلىق قۇجاتتارعا قول قويىلعان جاعدايلار بولدى.


«ەتسق-نى بەرۋ فاكتىلەرى بويىنشا ءبىز قر اقبتك-ءنىڭ 640-بابى بويىنشا اكىمشىلىك ىستەر قوزعايمىز جانە 15-تەن 50 اەك-كە دەيىنگى مولشەردە قارجى ءوندىرىپ الىنادى. 2020 جىلى ەتسق-نى زاڭسىز بەرۋدىڭ جانە ەلەكتروندىق قولتاڭبانى تيىسىنشە قورعاۋدىڭ 30-دان استام فاكتىسى انىقتالدى، 2021 جىلدىڭ باسىنان بەرى 6 ءىس قارالدى، وندىرىستە تاعى 3 ءىس بار»،  دەپ اتاپ ءوتتى ابدىحالىقوۆ.


ول قازاقستاندىقتاردى ەشبىر جاعدايدا ەتسق-نى باسقا تۇلعالارعا بەرمەۋگە، قاراۋسىز قالدىرماۋعا، سونداي-اق كىلتتى بەرۋدى تالاپ ەتۋگە ەشكىمنىڭ قۇقىعى جوق ەكەنىن ەستەن شىعارماۋعا شاقىردى.

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار