قازاقستان رەسپۋبليكاسى دەنساۋلىق ساقتاۋ ءمينيسترىنىڭ 2010 جىلعى 7 ساۋىردەگى N238 «وڭىرلەردى مەديتسينالىق قىزمەتكەرلەرمەن قامتاماسىز ەتۋ ستاندارتتارىن بەكىتۋ تۋرالى» بۇيرىعىنا سايكەس جۇقپالى اۋرۋلار بولىمشەسىندە شتاتتىق نورماتيۆ بويىنشا 20 توسەك-ورىنعا ارنالعان جۇقپالى اۋرۋلار بولىمشەسىندە ينفەكتسيونيست-دارىگەردىڭ ءبىر لاۋازىمى جانە تاۋلىك بويى 1 مەيىربيكە ۇسىنىلادى.
2021 جىلعى 12 ساۋىردەگى جاعداي بويىنشا «حالىق ارەنا» ستاتسيونارىندا 9 دارىگەر جانە 2 رەانيماتولوگ-دارىگەر 68 پاتسيەنتكە جۇمىس ىستەگەن.
«حالىق ارەنا» ستاتسيونارى 2020 جىلدىڭ شىلدە ايىندا 1000 توسەك-ورىن رەزەرۆتە تۇرعان, ءوز جۇمىسىن 2021 جىلدىڭ 01 ساۋىرىنەن باستادى. ۋاقىتشا ستاتسيونار «فتيزيوپۋلمونولوگيا ورتالىعىنىڭ» مەديتسينالىق قىزمەتتەرىمەن قامتاماسىز ەتەدى. مۇندا پنەۆمونيا جانە كۆي اۋىرلىعى ورتاشا جانە جەڭىل ناۋقاستار قابىلدانادى.
ينفەكتسيالىق توسەك-ورىندار پاتسيەنتتەردى اۋرۋحاناعا جاتقىزۋ نەگىزىندە كەزەڭ-كەزەڭىمەن ورنالاستىرىلادى. دارىگەرلەر توبى جۇكتەمەلەرگە سايكەس بەلگىلەنگەن ستاندارتتارعا سايكەس ورنالاستىرىلادى. جالپى «حالىق ارەنا» بازاسىندا 25 بولىمشە جانە 15 مەديتسينالىق بەكەت ورنالاستىرىلعان.
ۋاقىتشا ستاتسيوناردا كادرلىق جاعىنان جانە ءدارى-دارمەكپەن قامتاماسىز ەتۋدە ەشقانداي قيىندىقتار تۋىنداماعان.
ءوتىنىش ءانونيمدى بولعاندىقتان, دارىگەرلەردى ارالاۋ, كەڭەس بەرۋ جانە ەمدەۋدى تاعايىنداۋ جۋرنالدارىن قاراپ, ونىڭ دۇرىستىعى مەن وبەكتيۆتىلىگىن تەكسەرۋ مۇمكىن ەمەس.
