سول كۇنى جانۋارلاردىڭ قىرىلۋ قاۋپى جانە ءولىمى انىقتالعان كەزدەگى ءوزارا ءىس-قيمىل سحەماسىنا سايكەس, ينسپەكتسيا ماماندارى «ۆەتەريناريالىق باقىلاۋ جانە قاداعالاۋ كوميتەتىنىڭ اقتوبە وبلىستىق اۋماقتىق ينسپەكتسياسى» رمم جانە اقتوبە وبلىسىنىڭ تابيعي رەسۋرستار باسقارماسىمەن بىرلەسىپ وسى سۋ ايدىنىنا تەكسەرۋ جۇرگىزدى.
جينالعان «كاراس» ءولى بالىقتارىنىڭ سانى 4 توننانى قۇرادى. ول بالىقتاردى جويۋ بويىنشا جۇمىستار ۇيىمداستىرىلدى.
سونىمەن قاتار زەرتحانالىق زەرتتەۋلەر جۇرگىزۋ ءۇشىن سۋ مەن بالىقتان سىناما الىندى.
الدىن-الا جاسالعان بولجام بويىنشا بالىقتاردىڭ قىرىلۋىنا سۋ دەڭگەيىنىڭ جەتكىلىكسىزدىگىنەن (1,0-1,5 م) قىستا سۋدا وتتەگىنىڭ بولماۋى سەبەپ بولىپ وتىر.
بالىقتاردىڭ قىرىلۋىنىڭ ناقتى سەبەبى ءتيىستى زەرتحانالىق زەرتتەۋلەر جۇرگىزىلگەننەن كەيىن قوسىمشا حابارلانادى.
ايتا كەتەيىك, كۋزمين توعانى قوبدا اۋدانىنىڭ جارساي اۋىلدىق وكرۋگىندە ورنالاسقان. اقتوبە قالاسىنان قاشىقتىعى 140 كم. توعاننىڭ اۋدانى 3 گا جۋىق, ول بالىق شارۋاشىلىعى سۋ ايدىندارىنىڭ تىزىمىنە ەنبەگەن. توعان مال سۋارۋ ءۇشىن سالىنعان. سۋ قويماسىنىڭ جانىندا وندىرىستىك وبەكتىلەر جوق.
