ايماقتار • 09 ءساۋىر، 2021

تۇركىستان وبلىسىندا 7 تويحانانىڭ جۇمىسى توقتاتىلدى

30 رەت كورسەتىلدى

تۇركىستان وبلىسىندا كارانتين تالاپتارىنىڭ ساقتالۋىن قاداعالاۋ ماقساتىندا 104 ءموبيلدى توپ جۇمىس ىستەۋدە. جىل باسىنان بەرى ءموبيلدى توپ قۇرامى مەن پوليتسيا قىزمەتكەرلەرى 87730 نىساندى ارالاپ، 1745-ءى كارانتين تالاپتارىن بۇزعانىن انىقتاعان. تالاپقا باعىنباعان 7 تويحانا مەن ءبىر كومپيۋتەرلىك كلۋبتىڭ جۇمىسىن ۋاقىتشا توقتاتۋ بويىنشا سوت شەشىمى شىقتى، دەپ حابارلايدى Egemen.kz.

وڭىرلىك كوممۋنيكاتسيالار قىزمەتىندە وتكەن بريفينگتە وسىنداي دەرەكتەر كەلتىرگەن وبلىستىق سانيتاريالىق-ەپيدەميالىق باقىلاۋ دەپارتامەنتى باسشىسىنىڭ ورىنباسارى اسقار ىسقاقوۆ كارانتين تالاپتارىن ساقتاماعانداردىڭ قاتارىندا 46 جەكە كاسىپكەر، 2– زاڭدى، 26 – لاۋازىمدى، 1671 جەكە تۇلعا بارىن ايتتى.  «تىيىم سالىنعان 235 مەرەكەلىك ءىس-شارا تىركەلدى. سونداي-اق 51 كوكپار ۇيىمداستىرىلعانى بەلگىلى بولدى. بۇدان بولەك كوپشىلىك ورىندا بەتپەردە تاقپاۋ، قوعامدىق تاماقتانۋ ورىندارىنىڭ جۇمىس رەجيمىن ساقتاماۋ سىندى دەرەكتەر تىركەلۋدە. ماسەلەن، ءبىر كۇننىڭ ىشىندە سايرام، سارىاعاش، ماقتارال، وتىرار، ورداباسى، قازىعۇرت اۋداندارىندا 7 وتباسىلىق مەرەكە ۇيىمداستىرىلعان. جالپى قر اكىمشىلىك قۇقىق بۇزۋشىلىق تۋرالى كودەكسىنىڭ 425 بابىنىڭ 1-بولىگى بويىنشا 98 580 015 تەڭگە ايىپپۇل سالىندى. سوندىقتان بارشا وبلىس تۇرعىندارىن كارانتين تالاپتارىن ساقتاۋعا شاقىرامىز»، دەدى اسقار بەكبولات ۇلى.

وبلىستىڭ باس مەملەكەتتىك سانيتاريالىق دارىگەرى كاسىپكەرلەردىڭ جۇمىسىنا جەڭىلدىك جاساپ، تۇرعىندار ءۇشىن تاماقتانۋ ورىندارىنىڭ جۇمىس رەجيمىن 9:00-23:00-گە دەيىن ۇزارتۋ تۋرالى قاۋلى شىعارعان بولاتىن. دەگەنمەن، قاۋلىدا كورسەتىلگەن ۋاقىت رەجيمىن ساقتاماعان 75 قوعامدىق تاماقتانۋ ورنى انىقتالعان.

سوڭعى جاڭالىقتار

اقىرەتكە دەيىنگى ادالدىق

ونەر • بۇگىن، 10:23

ۇقساس جاڭالىقتار