سول كۇنى جاقسى اپب كەزەكشى بولىمىنە پەرەكاتنوە اۋىلىنىڭ 28 جاستاعى تۇرعىنىنان تەلەفون حابارلاماسى كەلىپ تۇسكەن. ايەل ونىڭ 32 جاستاعى اپكەسى كامەلەتكە تولماعان قىزىن ۇرىپ جاتقانىن ايتقان. كەيىن كۋاگەرلەردىڭ ايتۋىنشا, ۇيدە جانجال شىعارعان ايەل قىزىن موينىنان ۇستاپ, ونى تۇنشىقتىرا باستايدى, سونىمەن بىرگە ونى جانە ءىنىسىن بالالار ۇيىنە بەرەتىنىن ايتىپ قورقىتقان.
جەدەل-تەرگەۋ توبىن كۇتپەي, ۋچاسكەلىك ينسپەكتور دەرەۋ وقيعا ورنىنا اتتانادى. ءوتىنىش بەرۋشى كورسەتكەن مەكەنجايعا كەلگەن ۋچاسكەلىك ينسپەكتور ماس كۇيىندە ءۇيدىڭ يەسىن - سوزىلمالى ماسكۇنەم رەتىندە ەسەپتە تۇرعان ءۇش بالانىڭ اناسىن تاپقان.
سول كەزدە ايەلدىڭ 11 جاسار قىزى ۇيگە قاراي جۇگىرىپ, ۋچاسكەلىك پوليتسيا ينسپەكتورعا ۇلكەن اپكەسى قورادا اسىلىپ قالعانىن حابارلايدى.
ىلە قوراعا جۇگىرىپ كەلگەن پوليتسەي ءۇي يەسىنىڭ 14 جاستاعى قىزى شاتىردىڭ ارقالىعىنا اسىلىپ تۇرعانىن كورەدى جانە ەش ويلانباستان قىزدى كوتەرىپ ىلمەكتەن شەشىپ الادى. قۋانىشقا وراي, ءجاسوسپىرىم ەسىن جوعالتسا دا, امان قالعان. بۇل رەتتە 11 جاسار ءسىڭىلىسىنىڭ دەر كەزىندە ەسكەرتىپ ۇلگەرگەنىن ايتا كەتۋ كەرەك.
كەيىن ۋچاسكەلىك پوليتسيا قىزمەتكەرى جەدەل جاردەم بريگاداسىن شاقىرىپ, بولعان وقيعا تۋرالى كەزەكشى بولىمگە حابارلادى.
قازىرگى ۋاقىتتا كامەلەتكە تولماعان بالا اۋرۋحانا يزولياتورىندا جانە ءوزىن جاقسى سەزىنەدى. پروفيلاكتيكالىق ەسەپتە تۇرعان وتباسىنىڭ 14 جاستاعى قىزمەن بىرگە پسيحولوگتار جۇمىس جۇرگىزۋدە.
