تەكسەرۋ بارىسىندا «ۆاز» اۆتوكولىگىنەن بالىق اۋلاۋ قۇرالدارى جانە 150 كەلىدەن استام زاڭسىز اۋلانعان بالىق (شورتان, كوكسەركە, تابان) تاركىلەندى. اتالعان دەرەك قر قك 335-بابى 1-بولىگى «بالىق رەسۋرستارىن, باسقا سۋ جانۋارلارىن نەمەسە وسىمدىكتەرىن زاڭسىز ءوندىرۋ» بويىنشا سدتبت-دە تىركەلدى.
- سونىمەن قاتار, جىل باسىنان بەرى تابيعاتتى قورعاۋ پوليتسياسىنىڭ قىزمەتكەرلەرى مەملەكەتتىك ورگاندارمەن بىرلەسىپ تابيعاتتى قورعاۋ زاڭناماسىن بۇزۋدىڭ 237 فاكتىسىن انىقتاعان. جالپى 5 توننادان استام بالىق تاركىلەندى, – دەدى وبلىستىڭ باس پوليتسەيى ساعات ماديەۆ.
بۇگىنگى تاڭدا زاڭسىز بالىق اۋلاعانى ءۇشىن 7 فاكتى بويىنشا قىلمىستىق ءىس قوزعالدى. 230-دان استام بالىقشى اكىمشىلىك جاۋاپكەرشىلىككە تارتىلدى. جالپى شىعىن سوماسى 14 ملن تەڭگەدەن استى.
ەستەرىڭىزگە سالا كەتەيىك, براكونەرلەردەن تاركىلەنگەن بالىق ارنايى بالىق قابىلداۋ پۋنكتىنە تاپسىرىلادى. ال تۇسكەن تابىس مەملەكەت قازىناسىنا اۋدارىلادى.
