زارداپ شەككەن سالالارداعى شاعىن جانە ورتا بيزنەس سۋبەكتىلەرىن قولداۋدىڭ قوسىمشا شارالارى تۋرالى ۇلتتىق ەكونوميكا ءمينيسترى اسەت ەرعاليەۆ, قارجى ءمينيسترى ەرۇلان جاماۋباەۆ, قر قارجى نارىعىن رەتتەۋ جانە دامىتۋ اگەنتتىگىنىڭ توراعاسى ءمادينا ابىلقاسىموۆا, «اتامەكەن» ۇكپ باسقارما توراعاسى ابىلاي مىرزاحمەتوۆ, پرەمەر-ءمينيستردىڭ ءبىرىنشى ورىنباسارى ءاليحان سمايىلوۆ باياندادى.
2020 جىلدان باستاپ ۇلتتىق ەكونوميكاداعى قالپىنا كەلتىرۋ سەرپىنىن قامتاماسىز ەتۋ ماقساتىندا كاسىپكەرلىك سەكتوردى قولداۋدى, جۇمىسپەن قامتۋعا جاردەمدەسۋدى, اوك الەۋەتىن اشۋدى, تۇرعىن ءۇي-كوممۋنالدىق, كولىك, الەۋمەتتىك جانە ساۋدا ينفراقۇرىلىمىن دامىتۋدى, جەدەلدەتىلگەن تسيفرلاندىرۋدى قامتاماسىز ەتۋدى كوزدەيتىن داعدارىسقا قارسى شارالاردىڭ بىرنەشە توپتاماسى قابىلداندى.
بيىل ناۋرىز ايىندا كاسىپكەرلەرگە جۇرگىزىلگەن ساۋالناما ناتيجەلەرى نەگىزىندە 4 باعىت: بيزنەسكە جۇكتەمەنى ازايتۋ, قارجىلاندىرۋعا, سۇرانىس نارىقتارىنا جانە ساپالى ادام رەسۋرستارىنا قولجەتىمدىلىكتى كەڭەيتۋ بويىنشا 24 شارادان تۇراتىن جاڭا توپتاما بەكىتىلدى.
مەملەكەت باسشىسىنىڭ تاپسىرماسىن ورىنداۋ ءۇشىن ىسكەرلىك بەلسەندىلىكتى ىنتالاندىرۋ بويىنشا قوسىمشا شارالار توپتاماسى ازىرلەندى, ول 2021 جىلعى 1 ءساۋىر مەن 1 شىلدە ارالىعىندا زارداپ شەككەن سالالارداعى شوب سۋبەكتىلەرىنىڭ ەڭبەكاقى تولەۋ قورىنان بارلىق سالىقتار مەن تولەمدەردى تولەۋىن كەيىنگە قالدىرۋدى (118 ەقجج), بانك زايمدارى مەن شاعىن نەسيەنى تولەۋىن كەيىنگە قالدىرۋدى (346 ەقجج), سونداي-اق سالىقتىق جانە كەدەندىك بەرەشەكتى ماجبۇرلەپ ءوندىرىپ الۋ شارالارىن توقتاتا تۇرۋدى قامتيدى.
بۇدان باسقا, تاۋارلاردىڭ ىلەسپە قۇجاتتارى مەن ەلەكتروندىق شوت-فاكتۋرالارىن راسىمدەۋ بويىنشا پيلوتتىق جوبانى ىسكە اسىرۋدى 2021 جىلعى 1 شىلدەدەن 1 قازانعا اۋىستىرۋ تۋرالى شەشىم قابىلداندى.
ەكونوميكانىڭ نەعۇرلىم زارداپ شەككەن سەكتورلارىنداعى شوب نەسيەلەرى بويىنشا پايىزدىق مولشەرلەمەلەردى سۋبسيديالاۋ كەزەڭى (93 ەقجج) 2021 جىلعى 1 شىلدەگە دەيىن ۇزارتىلادى.
پرەمەر-مينيستر ا.ج. 12 ساۋىرىنە دەيىن ۇكىمەتكە بيزنەستى سالىقتىق ىنتالاندىرۋ بويىنشا زاڭنامالىق تۇزەتۋلەردىڭ ءتيىستى پاكەتىن ەنگىزۋدى تاپسىردى.
«بارلىق زاڭنامالىق باستامالار پارلامەنتتىڭ اعىمداعى سەسسياسى جۇمىسىنىڭ سوڭىنا دەيىن ىسكە اسىرىلۋى ءتيىس», دەدى ا. مامين.
