«نۇرلى جول» باعدارلاماسى شەڭبەرىندە سالىناتىن شىمكەنت قالاسىنىڭ وڭتۇستىك-باتىس اينالما جولىنىڭ جالپى ۇزىندىعى 48 شاقىرىمدى قۇرايدى.
يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنە سايكەس, اتالعان جوبانى وسى جىلى باستاۋ جوسپارلانۋدا. رەسپۋبليكالىق ماڭىزداعى جول ءتورت جولاقتى جانە 1ب دارەجەلى بولىپ, قارقىندىلىعى تاۋلىگىنە 25 مىڭ كولىك بولادى دەپ كۇتىلۋدە.
ال بۇل جوبانىڭ شىمكەنت قالاسى اۋماعىمەن قاتىنايتىن 20 مىڭعا جۋىق ترانزيتتىك جانە باسقادا اۆتوكولىكتەردىڭ اينالما جولمەن قاتىناپ, قالا اۋماعىنداعى كولىك كەپتەلىسىن سەيىلتۋگە جانە جول-كولىك وقيعالارىنىڭ ازايۋىنا سەپتىگىن تيگىزبەك.
وعان قوسا, جول بويىندا ورنالاسقان ەلدى مەكەندەردە شاعىن كاسىپكەرلىكتىڭ دامۋىنا ىقپال ەتەدى دەپ كۇتىلۋدە.
