جۇلدە قورى 565 530 دوللاردى قۇرايتىن جارىستا العاشقى بولىپ ياروسلاۆا شۆەدوۆا كورتقا شىقتى. وكىنىشكە قاراي, جەرلەسىمىزدىڭ جولى بولمادى. ۇزاققا سوزىلعان ۇزىلىستەن كەيىن ۇلكەن سپورتقا قايتا ورالعان شۆەدوۆا جاپونيالىق ميساكي دويدان ۇتىلىپ قالدى. ەسەپ – 3:6, 3:6.
كوپ ۇزاماي زارينا دياس جارىس كورىگىن قىزدىردى. ول رەسەيلىك ناتاليا ۆىحليانتسەۆانىڭ تاس-تالقانىن شىعاردى – 6:3, 6:1.
ودان كەيىن يۋليا پۋتينتسەۆا ۇلىبريتانيالىق حەرريەت دارتپەن شەبەرلىك بايقاستى. بۇل تارتىس ەسەبىمەن 7:6, 6:4 ەسەبىمەن وتانداسىمىزدىڭ پايداسىنا شەشىلدى.
بۇگىن ەلەنا رىباكينا امەريكالىق كەتي ماكنەلليمەن سايىسقا ءتۇستى. العاشقى سەتتە اقش تەننيسشىسى ۇتتى. سودان كەيىن دەنساۋلىعى سىر بەرۋىنە بايلانىستى رىباكينا باسەكەنى جالعاستىرۋدان باس تارتتى.
ەكىنشى كەزەڭدە قازاقستاننى قوس تەنيسشىسى ءوزارا كۇش سىناسادى. ەستەرىڭىزگە سالا كەتەيىك, قازىرگى كەزدە الەمدىك رەيتينگتە يۋليا پۋتينتسەۆا 31-ورىندى يەلەنۋدە, ال زارينا دياس 88-ساتىعا جايعاستى.
