قالا اكىمى مۇرات ايتەنوۆ كاسىپكەرلىك نىساننىڭ اشىلۋىنا قاتىسىپ, ناۋبايحانانىڭ الەۋەتىمەن تانىستى.
جالپى اۋماعى 7200 شارشى مەتر كاسىپكەرلىك نىسان جاڭا ۇلگىدەگى نان پىسىرۋگە ارنالعان زاماناۋي تەحنولوگيالارمەن جابدىقتالعان. باسا ايتا كەتەرلىگى, قالاداعى ەڭ ارزان نان وسىندا وندىرىلەدى. ويتكەنى, زاماناۋي قۇرىلعىلار گازبەن جۇمىس ىستەيدى.
شاھار باسشىسى قازىرگى نارىقتىق ەكونوميكادا باعانى تۇراقتاندىراتىن وسىنداي باستامالار ەكەنىن العا تارتىپ, سالا باسشىلارىنا مۇنداي جوبالاردى قولداۋ كەرەكتىگى جونىندە تاپسىرما بەردى. ءتىپتى باسقا وڭىرلەرگە دە ۇلگى رەتىندە كورسەتۋ قاجەت.
سونداي-اق, جاڭا كاسىپورىنداعى نان پىسىرەتىن پەشتەر شىمكەنت قالاسىنىڭ ءوز ءوندىرىسى. قالا اكىمى كۇندەلىكتى تۇتىناتىن قاراپايىم زاتتاردىڭ تولىق وزىمىزدە وندىرىلەتىنىن ايتىپ, بۇل باعىتتاعى جۇمىستاردىڭ ماڭىزدىلىعىنا توقتالىپ ءوتتى.
ناۋبايحانا تاۋلىگىنە قۋاتتىلىعى 90 مىڭ دانا نان ونىمدەرىنىڭ تۇرلەرىن, ونىڭ ىشىندە 65 مىڭ دانا الەۋمەتتىك نان (قالىپتى بولكە نان) ونىمدەرىن شىعارىپ جاتىر.
