- كوكتەم باستالعالى اۋىلشارۋاشىلىق ونىمدەرىنىڭ جارمەڭكەسىن ەكىنشى رەت وتكىزىپ وتىرمىز. شارۋالار ءوز ونىمدەرىن ەش دەلدالسىز ساۋدالادى. باعانى تۇراقتاندىرۋ باعىتىنداعى جارمەڭكەگە كوكونىس, جەمىس-جيدەك, كۇرىش, ەت, بالىق جانە ءسۇت ونىمدەرىنىڭ بارلىق تۇرلەرى اكەلىندى, - دەدى وبلىستىق اۋىلشارۋاشىلىعى باسقارماسىنىڭ باسشىسى شاحماردان قويشىباەۆ.
جارمەڭكە قىزىلوردا قالاسىنىڭ استانا داڭعىلىنىڭ بويى, كوشەرباەۆ كوشەسى مەن امانگەلدى كوشەسىنىڭ ارالىعىندا ءوتتى. بارلىق اۋدانعا ارنايى ورىن بەلگىلەنىپ بەرىلگەن. جالپى 100-گە جۋىق كولىككە تيەلگەن 250 توننادان استام ءونىم ساۋدالاندى. تاڭەرتەڭنەن تۇسكە دەيىن 60 توننادان استام كۇرىش, 8 توننا شاماسىندا ەت, 60 تونناداي كارتوپ, 70 توننادان استام كوكونىس پەن جەمىس-جيدەك ونىمدەرى, 5 توننادان استام ءسۇت ونىمدەرى, 15 تونناداي بالىق ونىمدەرى جانە 10 تونناعا جۋىق مال ازىقتىق جەم-ءشوپ ساتىلدى.
