ونەر • 02 ءساۋىر، 2021

قوستانايدا كۇيشى نازىمبەك مولداحمەتوۆتى ەسكە الۋ كەشى ءوتتى

24 رەت كورسەتىلدى

قوستانايدا وبلىستىق قازاق ۇلتتىق وركەسترىنىڭ نەگىزىن قالاعان ەڭبەك سىڭىرگەن قايراتكەرى، شەبەر كۇيشى، كاسىبي ديريجەر نازىمبەك مولداحمەتوۆتى ەسكە الۋعا ارنالعان «دومبىرامنىڭ نازى» اتتى كەش ءوتتى، دەپ حابارلايدى Egemen.kz

ومىردەن ەرتە كەتكەن دارىندى ونەرپاز قامشىنىڭ سابىنداي عانا قىسقا عۇمىرىنىڭ تۇتاستاي توبىل وڭىرىندەگى ۇلتتىق ونەردىڭ دامۋىنا ارنادى. جاستار سارايىندا وتكەن ەسكە الۋ كەشىنە ە.ومىرزاقوۆ اتىنداعى وبلىستىق فيلارمونيا ۇجىمى مەن ەلىمىزدىڭ ءار تۇكپىرىنەن  وسى شاراعا ارنايى كەلگەن مەيماندار، نازىمبەكتىڭ ارىپتەستەرى مەن ونەردە جۇرگەن قاناتتاس زامانداستارى قاتىستى. نازىمبەك مولداحمەتوۆ كوزى ءتىرى بولسا، بيىل 51 جاسقا تولار ەدى. ساحنادا ءسوز العاندار مارقۇمنىڭ كىسىلىك بولمىسى مەن ۇيىمداستىرۋشىلىق، ونەرپازدىق شەبەرلىگىن تەبىرەنە ەسكە الىپ، ارتىنا وشپەس ءىز قالدىرعان اياۋلى ازاماتتىڭ رۋحىنا تاعزىم ەتتى.

كەش بارىسىندا وبلىستىق مادەنيەت باسقارماسىنىڭ باسشىسى كوپشىلىككە قايراتكەر ونەرپازدىڭ ءوزى قۇرعان قوستانايداعى تۇڭعىش قازاق ۇلت اسپاپتار وركەسترىنە نازىمبەكتىڭ ەسىمىن بەرۋ تۋرالى باستاما كوتەرىلگەنىن ايتتى.  

«نازىمبەك مولدابەك ۇلى مولداحمەتوۆ قايىڭدى اۋىلىندا 1970 جىلى 1 ساۋىردە تۋدى. بۇگىن، 1 ءساۋىر – نازىمبەك مولدابەك ۇلىنىڭ ەكىنشى رەت ومىرگە كەلگەن كۇنى. ويتكەنى بۇگىنگى كەش قايراتكەردىڭ ماڭگىلىك ونەر-عۇمىرىنىڭ باستالعانىنىڭ بەلگىسى… ناز-اعانىڭ ەسىمىن ارداقتاۋ، ۇمىت قالدىرماۋ تۇرعىسىندا كوپتەگەن ۇسىنىس ايتىلدى. تاياۋدا فيلارمونيا ۇجىمىمەن كەڭەس وتكىزىپ، اقىلداسا كەلە، ءوزى نەگىزىن قالاعان قازاق ۇلت اسپاپتار وركەسترىنە ەسىمىن بەرۋ باستاماسىن كوتەردىك. باستامانىڭ قۇزىرلى ورىنداردان قولداۋ تابار كۇنى الىستا ەمەس دەپ ويلايمىن»، دەدى ەرلان قالماقوۆ.

سوڭعى جاڭالىقتار

اقپاراتتىق حابارلاما

ەگەمەن قازاقستان • كەشە

دوللار تاعى دا ارزاندادى

ەكونوميكا • كەشە

ۇقساس جاڭالىقتار