ايماقتاعى عانا ەمەس, ەلدەگى احۋالدى ساراپتاپ, سارالاي كەلە شىعىس قازاقستان وبلىسىنىڭ باس مەملەكەتتىك سانيتاريالىق دارىگەرىنىڭ مىندەتىن اتقارۋشى قانات تۇرديەۆ 2021 جىلعى 19 اقپانداعى №4 قاۋلىسىنا بىرقاتار وزگەرىستەر دە ەنگىزدى. اتاپ ايتساق, وبلىس اۋماعىندا شەكتەۋ شارالارى 2021 جىلدىڭ 2 ساۋىرىنەن باستاپ 15 ءساۋىرىن قوسا العانعا دەيىن ۇزارتىلدى. شەكتەۋ ءىس-شارالارىنىڭ رەجيمى مەن مەرزىمدەرى وبلىس اۋماعىندا COVID-19 كوروناۆيرۋستىق ينفەكتسياسىنىڭ تارالۋى بويىنشا احۋالدىڭ وزگەرۋىنە سايكەس قايتا قارالۋى مۇمكىن.
– وزگە وڭىرلەر قىزىل ايماققا كىرىپ, ۆيرۋستىڭ تارالۋى كوبەيىپ جاتقاندىقتان وبلىس شەكارالارىنا سانيتارلىق بەكەتتەر قويىلدى. وبلىسقا «قىزىل» ايماقتان كەلگەن جولاۋشىلاردىڭ بەلگىلى سەبەپتەرىن كورسەتەتىن انىقتاما قاعازدارى بولماسا, كىرۋگە تيىم سالىنادى, – دەيدى شقو سانيتاريالىق-ەپيدەميولوگيالىق باقىلاۋ دەپارتامەنتىنىڭ جۇرتشىلىقپەن بايلانىس جونىندەگى باس مامانى باعلان تاۋانوۆا.
ەرەكشە جاعدايلاردا, قاۋلىدا كورسەتىلگەن ساناتتاعى ادامداردى قوسپاعاندا, جەكەلەگەن ساناتتاعى ادامدارعا اۋداندار مەن قالالاردىڭ سانيتاريالىق بەكەتتەرى ارقىلى شىعۋعا جانە كەلۋگە رۇقسات قاعاز جەرگىلىكتى اتقارۋشى ورگانىنىڭ شەشىمى بويىنشا بەرىلۋى مۇمكىن.
قازىرگى ۋاقىتتا وبلىسقا كىرۋدى جانە شىعۋدى باقىلاۋ ءۇشىن 4 سانيتارلىق بەكەت ورناتىلدى. ونىڭ ەكەۋى مەملەكەتتىك شەكارالاردا جۇمىس ىستەپ تۇرسا, ەكەۋى الماتى, قاراعاندى باعىتىنا ورناتىلدى. باسا ايتا كەتەرلىگى, «قىزىل» ايماقتان كەلگەن ازاماتتار سانيتاريالىق بەكەتتەردەن وتكەن كەزدە COVID-19 كوروناۆيرۋستىق ينفەكتسياسىنا پتر-تەستىنىڭ تەرىس ناتيجەسى تۋرالى انىقتاماسىن كورسەتۋى قاجەت. ول انىقتاما بەرىلگەن كۇننەن باستاپ كىرۋ ساتىنە دەيىن ءۇش تاۋلىكتەن (72 ساعاتتان) اسپاۋى ءتيىس. ال 5 جاسقا دەيىنگى بالالار ءۇشىن مۇنداي انىقتاما قاجەت ەمەس. اتالعان قاۋلى 2021 جىلعى 2 ساۋىردەن باستاپ كۇشىنە ەندى.
