كەيىن بۇل ۇسىنىس رەسپۋبليكالىق ونوماستيكالىق كوميسسيانىڭ وڭ شەشىمىن الىپ, نۇر-سۇلتان قالالىق ءماسليحاتى دەپۋتاتتارىنىڭ قاراۋىنا قايتا جولداندى. بۇگىن نۇر-سۇلتان قالاسى ءماسليحاتىنىڭ كەزەكتى 3-ءشى سەسسياسىندا ءماسليحات پەن قالالىق اكىمدىكتىڭ بىرلەسكەن شەشىمى قابىلدانىپ, دوستىق كوشەسىنەن باستالىپ, دىنمۇحامەد قوناەۆ كوشەسىنە دەيىن جالعاساتىن «قازمەديا ورتالىعى» عيماراتىنىڭ الدىندا ورنالاسقان كوشەگە قازاق راديوسىنىڭ اتاۋى بەرىلدى. كوشەنىڭ ۇزىندىعى - 560 مەتر.
سونىمەن قوسا بىرلەسكەن شەشىمگە ساي, الماتى اۋدانى بويىنشا جوبالىق اتاۋى №231 كوشەگە قازاق راديوسىنىڭ ديكتورى انۋاربەك بايجانباەۆتىڭ ەسىمى بەرىلدى.
«ەلوردا تورىنەن كوشە بەرۋ ۇلتتىڭ ءۇنجارياسىنىڭ 100 جىلدىعى قارساڭىندا جۇزەگە اسىرىلىپ وتىرعان جوسپارلى شارالاردىڭ ءبىرى. بۇل - راديو تاريحىنداعى جاڭا پاراق. جىل سوڭىنا دەيىن باس رەداكتسيا 70 جىل اقپارات تاراتقان الماتى قالاسىنان دا قازاق راديوسى كوشەسى اشىلماق, تارتىپكە ساي ءتيىستى جۇمىستار باستالدى», دەيدى «قازاق راديولارى» جشس باس رەداكتورى - «قازاق راديوسى» راديوارناسىنىڭ ديرەكتورى دۋلات ابيبۋللاەۆ.
بۇعان دەيىن, 2021 جىلعى 18 ناۋرىزدا قىزىلوردا قالاسىنداعى بۇرىنعى «ساياحات 11» كوشەسىنە, شىمكەنت قالاسى «بوزارىق» شاعىن اۋدانىنداعى كوشەلەردىڭ بىرىنە «قازاق راديوسى» اتاۋى بەرىلگەن بولاتىن.
